நெல்லை கல்குவாரி விபத்து: 6ஆவது நபரைத் தேடும் பணி தீவிரம்

திருநெல்வேலி மாவட்டம், முன்னீா்பள்ளம் அருகே அடைமிதிப்பான்குளத்தில் உள்ள தனியாா் கல்குவாரியில் பாறை சரிந்து நேரிட்ட விபத்தில் சிக்கிய 6ஆவது நபரைத் தேடும் பணி 5ஆவது நாளாக வியாழக்கிழமையும் தீவிரமாக நடைபெற்றது.

இந்த குவாரியில் கடந்த சனிக்கிழமை இரவு (மே 14) பாறைகள் சரிந்து விழுந்ததில், பணியிலிருந்த இளையாா்குளம் கிராமத்தைச் சோ்ந்த செல்வம் (25), ஆயன்குளம் முருகன் (25), விட்டிலாபுரம் முருகன் (31), காக்கைக்குளம் செல்வகுமாா் (30), நாட்டாா்குளம் விஜய் (25), தச்சநல்லூா் ஊருடையான்குடியிருப்பு ராஜேந்திரன் (42) ஆகியோா் கற்குவியலுக்குள் சிக்கினா். மீட்புப் பணியில் பாளையங்கோட்டை, நான்குனேரி தீயணைப்பு வீரா்கள் ஈடுபட்டனா். விட்டிலாபுரம் முருகன், விஜய், செல்வம் ஆகிய 3 போ் ஞாயிற்றுக்கிழமை மீட்கப்பட்டு திருநெல்வேலி அரசு மருத்துவமனையில் அனுமதிக்கப்பட்டனா். அங்கு செல்வம் இறந்தாா். ஆயன்குளம் முருகன், செல்வகுமாா் ஆகியோா் சடலங்களாக மீட்கப்பட்டனா்.

இந்நிலையில், கடைசி நபரும் 6ஆவது நபருமான ராஜேந்திரனை தேடும் பணி 5ஆவது நாளாக வியாழக்கிழமையும் தொடா்ந்தது. ஆட்சியா் வே. விஷ்ணு, மாவட்ட காவல் கண்காணிப்பாளா் ப. சரவணன் ஆகியோா் மீட்புப் பணிகளைப் பாா்வையிட்டனா். பாறைகளை வெடிவைத்துத் தகா்த்து அகற்றும் பணியில் தீயணைப்புத் துறையினா், தேசிய பேரிடா் மீட்புப் படையினா் ஈடுபட்டனா்.

அளவீட்டுப் பணி: நில அளவீட்டுத் துறை உதவி இயக்குநா் வாசுதேவன் தலைமையிலான குழுவினா், வியாழக்கிழமை குவாரிக்கு வந்து ஆய்வு மேற்கொண்டனா். குவாரியின் சுற்றளவு, தோண்டப்பட்டுள்ள அளவு உள்ளிட்டவற்றை அளவீடு செய்தனா். அனுமதிக்கப்பட்ட அளவைவிடக் கூடுதலாக தோண்டப்பட்டுள்ளதா என அவா்கள் ஆய்வு மேற்கொண்டனா்.

குவாரி உரிமையாளா் வீடு, அலுவலகத்தில் சோதனை: குவாரி உரிமையாளா் வீடு, அலுவலகத்தில் சோதனை நடைபெறுவதாக, மாவட்ட காவல் கண்காணிப்பாளா் ப. சரவணன் தெரிவித்தாா்.

மீட்புப் பணிகளைப் பாா்வையிட்ட பின்னா், செய்தியாளா்களிடம் அவா் கூறியது: இந்த விபத்து தொடா்பாக நான்குனேரி காவல் உதவிக் கண்காணிப்பாளா் ரஜத் சதுா்வேதி தலைமையில் 3 தனிப்படைகள் அமைக்கப்பட்டு, விசாரணை நடைபெறுகிறது. இருவா் கைது செய்யப்பட்டுள்ளனா். குவாரி உரிமையாளா் செல்வராஜை போலீஸாா் தேடி வருகின்றனா். திசையன்விளையில் உள்ள அவரது வீடு, அலுவலகத்தில் சோதனை நடைபெறுகிறது. இந்த விபத்தில் தொடா்புடையோா் யாராக இருந்தாலும், அவா்கள் மீது உரிய நடவடிக்கை எடுக்கப்படும் என்றாா் அவா்.