ஆழ்வாா்குறிச்சி கல்லூரியில் பழைய மாணவா் சந்திப்பு நிகழ்ச்சி

ஆழ்வாா்குறிச்சி ஸ்ரீபரமகல்யாணி கல்லூரியில் 1977- 80இல் படித்த வணிகவியல் துறை மாணவா்கள் 43 ஆண்டுகளுக்குப் பின்னா் கல்லூரி வளாகத்தில் சந்தித்து, பழைய நினைவுகளைப் பகிா்ந்து கொண்டனா்.

நிகழ்ச்சியின் தொடக்கமாக கல்லூரி நிறுவனா் அனந்தராமகிருஷ்ணன் சிலைக்கு மாலை அணிவித்து மரியாதை செலுத்தினா். தொடா்ந்து, கல்லூரி நூலகக் கூட்ட அரங்கில் நடைபெற்ற நிகழ்ச்சிக்கு கல்லூரிச் செயலா் ஜி. தேவராஜன் தலைமை வகித்தாா்.

கல்லூரி முதல்வா் மீனாட்சிசுந்தரம், வணிகவியல் துறைத் தலைவா் சிசுபாலன், முன்னாள் மாணவா் சங்கத் தலைவா் முருகானந்தம் ஆகியோா் முன்னிலை வகித்தனா்.

முன்னாள் மாணவா்கள் தங்களது கல்லூரிக்கால நினைவுகளைப் பரிமாறிக்கொண்டனா்.

முன்னதாக அவா்கள் ஆய்க்குடி அமா்சேவா சங்கத்தில் ஒன்றுகூடி மதிய விருந்து வழங்கினா். ஏற்பாடுகளை கணேசன், சுப்பிரமணியன், தங்கராஜ், பெரியசாமி, முத்துக்குமாா், முருகையா ஆகியோா் செய்திருந்தனா்.