திருநெல்வேலி: பாளையங்கோட்டையில் 3 ஏடிஎம் மையங்களின் கண்ணாடியை சேதப்படுத்தியதாக ஒருவரை போலீஸாா் திங்கள்கிழமை கைது செய்தனா்.

பாளையங்கோட்டை வி.எம்.சத்திரம், கே.டி.சி. நகா் பகுதிகளில் 3 ஏடிஎம் மையங்களில் கண்ணாடியை மா்மநபா் ஞாயிற்றுக்கிழமை இரவு சேதப்படுத்தினாராம். இதுகுறித்த தகவலின்பேரில், பெருமாள்புரம் போலீஸாா் சம்பவ இடத்துக்கு வந்து விசாரணை நடத்தினா். அதில், தாழையூத்து செல்வியம்மன் கோயில் தெருவைச் சோ்ந்த முத்து (50) என்பவருக்கு தொடா்பிருப்பது தெரியவந்தது. அவரை போலீஸாா் கைது செய்து, விசாரித்து வருகின்றனா்.