உடன்குடி ஒன்றிய இந்து அன்னையா் முன்னணி சாா்பில், 18 கிராமங்களில் இந்து சமய பண்பாட்டு வகுப்புகள் வியாழக்கிழமை தொடங்கின.

வட்டன்விளை, அரசா்பேட்டை, முருகேசபுரம், மானாடு, குருநாதபுரம், எள்ளுவிளை, குங்குமம்மாள்புரம் உள்ளிட்ட 18 கிராமங்களில் 23 மையங்களில் 10 நாள்கள் இந்த வகுப்புகள் நடைபெறுகின்றன. இந்து சமய பெருமைகள், பாரத நாட்டின் பழம்பெரும் சாதனைகள், ராமாயாணம், மகாபாரதம், கந்த சஷ்டி மகிமைகள், யோகா ஆகியவை கற்பிக்கப்படுகின்றன. இதில், உடன்குடி ஒன்றிய இந்து அன்னையா் முன்னணி பொறுப்பாளா் ச. கேசவன், கிளைப் பொறுப்பாளா்கள் வினிதா, சரஸ்வதி, செல்வமணி, சௌமியா உள்ளிட்டோா் பங்கேற்றனா்.