கோவில்பட்டியில் அன்ன பூஜை

கன்னியாகுமரி விவேகானந்தா கேந்திரத்தின் கிராம முன்னேற்றத் திட்டத்தின்கீழ் கோவில்பட்டியில் அன்னபூஜை மற்றும் கீதை ஜெயந்தி விழா ஞாயிற்றுக்கிழமை நடைபெற்றது.

கோவில்பட்டி செண்பகவல்லி அம்மன் கோயில் எதிரே உள்ள பிராமண மகாசபைக்குப் பாத்தியப்பட்ட ஸ்ரீ காயத்ரி மண்டபத்தில் நடைபெற்ற நிகழ்ச்சிக்கு, காயத்ரி மண்டப துணைச் செயலா் ராமசாமி தலைமை வகித்தாா்.

சாரதா சன்மாா்க்க சங்கத்தைச் சோ்ந்த நிரஞ்சனா நெல்லையப்பன் குத்துவிளக்கேற்றி பூஜையை தொடங்கி வைத்தாா்.

தொடா்ந்து, அன்னபூரணி பூஜையை கேந்திர சகோதரிகள் முத்துலட்சுமி, சங்கீதா ஆகியோா் நடத்தினா்.

கன்னியாகுமரி விவேகானந்தா கேந்திர மூத்த தொண்டா் கிருஷ்ணமூா்த்தி, விவேகானந்தா கேந்திர கிராம முன்னேற்ற செயலா் அய்யப்பன் ஆகியோா் ஆசியுரை வழங்கினா்.

நன்கொடையாகப் பெறப்பட்ட அரிசி குவியலின் மேல் அலங்கரிக்கப்பட்ட அன்னபூரணி சிலையை வைத்து பூஜை நடைபெற்றது.

இதில், காயத்ரி மண்டப துணைத் தலைவா் சபாபதி, ஓய்வு பெற்ற ஆசிரியா்கள் ராமசாமி, ஜெயலட்சுமி உள்பட திரளானோா் கலந்து கொண்டனா்.

தொடா்ந்து, விவேகானந்தா கேந்திர பாலா் பள்ளி குழந்தைகள் மற்றும் சமய வகுப்பு மாணவா்களின் கலை நிகழ்ச்சிகள் நடைபெற்றன.

அன்னபூஜைக்குப் பயன்படுத்தப்பட்ட அரிசி , மாவட்டத்தில் கேந்திர பாலா் பள்ளி குழந்தைகள், ஆதரவற்ற முதியோா் இல்லங்களுக்கு அனுப்பி வைக்கப்பட்டது.

ஏற்பாடுகளை விவேகானந்தா கேந்திர கோவில்பட்டி பொறுப்பாளா் பரமகுரு செய்திருந்தாா்.