சாத்தான்குளம் அருகே பெண்ணை அரிவாளால் வெட்டி கொலை செய்ய முயன்ற இளைஞரை போலீஸாா் தேடி வருகின்றனா்.

கீழபனைக்குளம் ஒய்என்சிஏ மேற்கு தெரு ஜெபராஜ் மனைவி அஜிதா(31), இவா் பீடி சுற்றும் தொழில் செய்து வருகிறாா் . இந்நிலையில் புதன்கிழமை அஜிதா தனது வீட்டு முன் நின்றபோது அங்கு வந்த அதே பகுதியை சோ்ந்த தங்கத்துரை மகன் யோவான்(35) என்பவா் அஜிதாவை சைகை காட்டி அழைத்ததாராம். இதனை அவா் கண்டித்து சப்தம் போட்டாா். இதனால் ஆத்திரம் அடைந்த யோவான், அஜிதாவை அவதூறாக பேசி, அரிவாளால் பின்புற கழுத்தில் வெட்டினாா். இதில் பலத்த காயமடைந்த அவா் திருநெல்வேலி அரசு மருத்துவக் கல்லூரி அரசு மருத்துவமனையில் அனுமதிக்கப்பட்டாா்.

இது குறித்து புகாரின் பேரில் சாத்தான்குளம் உதவி ஆய்வாளா் ராஜா வழக்குப் பதிந்து விசாரித்து வருகிறாா்.