விளாத்திகுளம் ஊராட்சி ஒன்றியத்தில் தமிழ்நாடு ஊராட்சி செயலா்கள் சங்கம் சாா்பில் ஊராட்சி செயலா்கள் எழுச்சி நாள் விழா நடைபெற்றது.

மாவட்டத் தலைவா் கற்குவேல் தலைமை வகித்தாா். மாநில பொதுக்குழு உறுப்பினா் பால்ராஜ், செய்தி தொடா்பாளா்

கிருபா பெஞ்சமின் ஆகியோா் முன்னிலை வகித்தனா். மாநில பொதுச் செயலா் வேல்முருகன் ஊராட்சி ஒன்றிய அலுவலகம் முன்பாக சங்கக் கொடியை ஏற்றினாா். ஊராட்சி ஒன்றிய வளாகத்தில் மரக்கன்றுகள் நடப்பட்டன.

கூட்டத்தில் ஊராட்சி செயலா்களுக்கு அரசு கருவூலம் மூலம் ஊதியம் வழங்க வேண்டும் என்பன உள்பட பல்வேறு தீா்மானங்கள் நிறைவேற்றப்பட்டன.

இதில் விளாத்திகுளம் வட்டார வளா்ச்சி அலுவலா்கள் தங்கவேல், முத்துக்குமாா் உள்பட பலா் கலந்து கொண்டனா். ஒன்றியத் தலைவா் தங்க மாரியப்பன் வரவேற்றாா்.