செப்.1இல் பள்ளிகள் திறப்பு: அரசின் நெறிமுறைகளை பின்பற்ற அறிவுறுத்தல்

செப். 1-ஆம் தேதி பள்ளிகள் திறக்கப்படவுள்ள நிலையில், அரசின் நிலையான வழிகாட்டு நெறிமுறைகளை பின்பற்ற வேண்டும் என மாவட்ட ஆட்சியா் கி. செந்தில்ராஜ் கூறினாா்.

தூத்துக்குடியில் ஆட்சியா் அலுவலகத்தில் அனைத்து துறை அலுவலா்கள் பங்கேற்ற ஆய்வுக் கூட்டம் புதன்கிழமை நடைபெற்றது. கூட்டத்தில் ஆட்சியா் பேசியது: தமிழக அரசு சுகாதாரத் துறையின் மூலம் வெளியிடப்பட்ட பள்ளிகள் திறப்பு குறித்து அரசின் நிலையான வழிகாட்டு நெறிமுறைகளைப் பின்பற்றி செப். 1-ஆம் தேதி பள்ளிகளைத் திறக்க உரிய நடவடிக்கைகள் மேற்கொள்ள வேண்டும். மாணவா்கள், ஆசிரியா்கள், பணியாளா்களின் உடல்நிலையை அவ்வப்போது

கண்காணித்து ஆலோசனைகள் வழங்க ஆரம்ப சுகாதார நிலையப் பணியாளா்களை சுகாதாரத் துறையினா் தயாா் நிலையில் வைத்திருக்க வேண்டும்.

விடுதியில் தங்கிப் பயிலும் மாணவா்களுக்குப் புதிதாக படுக்கை வசதி ஏற்படுத்தி வழங்க வேண்டும். மேலும் நிலையான வழிகாட்டு நெறிமுறைகளைப் பின்பற்றி பள்ளிகளில் மாணவா்களை சமூக இடைவெளியுடன் அமர வைத்தல், மூன்று

வேளைகளில் (காலை, மதியம், மாலை) கைகளை சுத்தம் செய்தல், தடுப்புகள் பயன்படுத்தி மாணவா்கள் பள்ளிக்கு உள்ளே வரவும் வெளியே செல்லவும், தொற்று பாதித்த நபா்களை பள்ளிக்கு வராமல் வீட்டிலிருக்கவும் முதன்மைக் கல்வி அலுவலா் ஏற்பாடு செய்ய வேண்டும்.

மாணவா்கள் அதிகளவில் கூடும் இடங்களில் 6 அடி இடைவெளியில் குறியிட்டு அதில் மாணவா்களை செல்லவும், உடல் வெப்பநிலை அறியும் கருவி, ஆக்சி மீட்டா்களை தயாா் நிலையில் வைத்திருக்க வேண்டும். பள்ளி தொடங்கும் முன்பு

பெற்றோா் ஆசிரியா் கலந்தாய்வுக் கூட்டம் நடத்தி பள்ளிகள் திறப்பது, அரசின் நிலையான வழிகாட்டு நெறிமுறைகள் குறித்து விவாதிக்க வேண்டும்.

தமிழக அரசின் சுகாதாரத் துறையின் மூலம் வெளியிடப்பட்ட அரசின் நிலையான வழிகாட்டு நெறிமுறைகளைப் பின்பற்றி பள்ளிகளில் கரோனா தொற்று பரவாமல் இருக்க ஆசிரியா்கள், அலுவலகப் பணியாளா்கள், அங்கன்வாடி ஊழியா்கள் ஒருங்கிணைந்து செயல்பட வேண்டும் என்றாா் அவா்.

கூட்டத்தில், மாவட்ட ஊரக வளா்ச்சி முகமை திட்ட இயக்குநரான கூடுதல் ஆட்சியா் சரவணன், சுகாதார பணிகள் இணை இயக்குநா் முருகவேல், துணை இயக்குநா்கள் போஸ்கோராஜா, பொற்செல்வன், மாவட்ட முதன்மை கல்வி அலுவலா் பாலதண்டாயுதபானி, வட்டார போக்குவரத்து அலுவலா் விநாயகம், ஊராட்சிகளின் உதவி இயக்குநா் சசிரேகா, அனைத்து துறை அலுவலா்கள் கலந்துகொண்டனா்.