போக்ஸோ சட்டத்தின் கீழ் கைதான இருவா் குண்டா் தடுப்பு சட்டத்தின் கீழ் சிறையில் அடைக்கப்பட்டனா்.

தூத்துக்குடி மாவட்டம், குலசேகரன்பட்டினம் அருகே புதுமனை கோட்டைவிளை பகுதியில் 15 வயது சிறுமியை பாலியல் துன்புறுத்தல் செய்ததாக அதே பகுதியைச் சோ்ந்த முத்துராஜை கடந்த 27 ஆம் தேதி குலசேகரன்பட்டினம் போலீஸாா் கைது செய்தனா்.

இதேபோல, 13 வயது சிறுமியை பாலியல் பலாத்காரம் செய்ததாக தூத்துக்குடி அருகேயுள்ள புதியம்புத்தூா் அம்மன்கோயில்தெருவைச் சோ்ந்த ஜெயக்குமாா் என்பவரை புதுக்கோட்டை அனைத்து மகளிா் காவல் நிலைய போலீஸாா் கடந்த 28 ஆம் தேதி கைது செய்தனா்.

போக்ஸோ சட்டத்தின் கீழ் கைது செய்யப்பட்ட முத்துராஜ், ஜெயக்குமாா் ஆகியோரை மாவட்டக் காவல் கண்காணிப்பாளா் எஸ். ஜெயக்குமாா் பரிந்துரையின்பேரில் குண்டா் தடுப்புக் காவல் சட்டத்தின் கீழ் சிறையில் அடைக்க மாவட்ட ஆட்சியா் கி. செந்தில்ராஜ் சனிக்கிழமை உத்தரவிட்டாா்.

இதையடுத்து இருவரும் குண்டா் தடுப்பு சட்டத்தில் கைது செய்யப்பட்டனா்.