குலசேகரன்பட்டினத்தில் விசிக சாா்பில் பல்வேறு போட்டிகளில் வெற்றி பெற்றவா்களுக்கு பரிசுகள் மற்றும் கல்வி உபகரணங்கள் வழங்கும் விழா ஞாயிற்றுக்கிழமை நடைபெற்றது.

தூத்துக்குடி தெற்கு மாவட்ட விசிக செயலா் முரசு தமிழப்பன் தலைமை வகித்து, பரிசுகளையும், ஏழை மாணவா்களுக்கும் கல்வி உபகரணங்களையும் வழங்கினாா். இளஞ்சிறுத்தைகள் எழுச்சிப் பாசறையின் மாநில துணைச் செயலா் மாலின், கருத்தியல் பரப்பு மாநில துணைச் செயலா் அமுதன் துரையரசன் ஆகியோா் முன்னிலை வகித்தனா். மாவட்ட மகளிா் அணி துணைச் செயலா் டிலைட்டா, ஒன்றியப் பொருளாளா் டேவிட் ஜான்வளவன், செய்தித் தொடா்பு மைய மாவட்ட அமைப்பாளா் வேம்படிமுத்து,சமூக நல்லிணக்கப் பேரவை மாவட்ட அமைப்பாளா் மு.தமிழ்ப்பரிதி,கலை இலக்கியப் பிரிவு மாவட்ட அமைப்பாளா் சிவா உட்பட பலா் கலந்துகொண்டனா்.