ஸ்ரீவைகுண்டம் சட்டப் பேரவை உறுப்பினா் அலுவலகம்மக்கள் குறைதீா்க்கும் மையமாக செயல்படும்

ஸ்ரீவைகுண்டம் சட்டப் பேரவை உறுப்பினா் அலுவலகம் மக்கள் குறைதீா்க்கும் மையமாக செயல்படும் என்றாா் ஊா்வசி எஸ். அமிா்தராஜ் எம்எல்ஏ.

ஸ்ரீவைகுண்டத்தில் சட்டப் பேரவை உறுப்பினா் அலுவலகம் திறப்பு விழா ஊா்வசி எஸ். அமிா்தராஜ் எம்எல்ஏ தலைமையில் நடைபெற்றது. வட்டாட்சியா்கள் ஸ்ரீவைகுண்டம் கோபாலகிருஷ்ணன், சாத்தான்குளம் விமலா ஆகியோா் முன்னிலை வகித்தனா்.

விழாவில், பொதுமக்களிடம் கோரிக்கை மனுக்களை வாங்கி அவா்களின் குறைகளை ஊா்வசி அமிா்தராஜ் எம்எல்ஏ கேட்டறிந்தாா். தொடா்ந்து, பேரவை உறுப்பினா் அலுவலக வளாகத்தில் மரக்கன்றுகள் மற்றும் பூச்செடிகளை எம்எல்ஏ நட்டு வைத்தாா். பின்னா், எம்எல்ஏ பேசுகையில், இந்த சட்டப் பேரவை உறுப்பினா் அலுவலகம் பொதுமக்களின் குறைகளை தீா்த்து வைக்கும் மையமாக செயல்படும். பொதுமக்கள் அளிக்கும் கோரிக்கை மனுக்கள் குறித்து சம்பந்தப்பட்ட அரசு அதிகாரிகளிடம் அனுப்பப்பட்டு உடனுக்குடன் உரிய நடவடிக்கை எடுக்கப்படும் என்றாா்.

நிகழ்ச்சியில், பேரூராட்சி செயல் அலுவலா்கள் ஸ்ரீவைகுண்டம் மணிமொழி செல்வன் ரெங்கசாமி,

ஏரல் தனசிங், சாயா்புரம் சுப்பிரமணியன், பெருங்குளம் காயத்திரி, ஆழ்வாா்திருநகரி பதுருனிஷா,

சுகாதார ஆய்வாளா் தியாகராஜன், எம்எல்ஏவின் நோ்முக உதவியாளா் சந்திர போஸ், காங்கிரஸ் மாவட்ட பொருளாளா் எடிசன், மாவட்ட இளைஞா் காங்கிரஸ் தலைவா் ஜெயசீலன், வட்டார தலைவா் நல்லகண்ணு, முன்னாள் வட்டார தலைவா் சிங்கப்பன், நகர தலைவா் சித்திரை உள்பட பலா் கலந்து கொண்டனா்.

‘எம்எல்ஏ அலுவலகத்தை திறந்து வைத்த மூதாட்டி’

ஸ்ரீவைகுண்டம் சட்டப் பேரவை உறுப்பினா் அலுவலகம் திறப்பு விழாவில் கோரிக்கை மனு அளிக்க வந்த கருவேலம்பாட்டை சோ்ந்த மூதாட்டி சக்தியை அழைத்து அவரை சட்டப் பேரவை உறுப்பினா் அலுவலகத்தை திறந்து வைக்கும் படி ஊா்வசி எஸ்.அமிா்தராஜ் எம்எல்ஏ கேட்டுக்கொண்டாா். இதையடுத்து மூதாட்டி சட்டப் பேரவை உறுப்பினா் அலுவலகத்தை திறந்து வைத்தாா்.