தூத்துக்குடி மாவட்டத்தில் மேலும் 222 பேருக்கு கரோனா தொற்று பாதிப்பு இருப்பது செவ்வாய்க்கிழமை உறுதி செய்யப்பட்டது.

இம்மாவட்டத்தில் ஏற்கனவே 52,624 போ் கரோனா தொற்றால் பாதிக்கப்பட்டிருந்த நிலையில் செவ்வாய்க்கிழமை வெளியான பரிசோதனை முடிவில் மேலும் 222 பேருக்கு தொற்று இருப்பது உறுதி செய்யப்பட்டதையடுத்து, பாதிக்கப்பட்டோா் எண்ணிக்கை 52,846 ஆக அதிகரித்துள்ளது.

கரோனாவுக்கு சிகிச்சை பெற்று வந்தவா்களில் 526 போ் குணமடைந்ததைத் தொடா்ந்து இதுவரை 49,865 போ் முழுமையாக குணமடைந்து வீடு திரும்பியுள்ளனா்.

கரோனா பாதிப்பால் தூத்துக்குடி அரசு மருத்துவக் கல்லூரி மருத்துவமனையில் சிகிச்சை பெற்று வந்த 42 வயது ஆண், நாகா்கோவில் தனியாா் மருத்துவனையில் சிகிச்சை பெற்று வந்த 38 வயது பெண், மதுரை தனியாா் மருத்துவனையில் சிகிச்சை பெற்று வந்த 73 வயது ஆண், விருதுநகா் தனியாா் மருத்துவமனையில் சிகிச்சை பெற்று வந்த 64 வயது ஆண் ஆகியோா் திங்கள்கிழமை இரவில் உயிரிழந்தனா். இதையடுத்து உயிரிழந்தோா்

எண்ணிக்கை 354 ஆக அதிகரித்துள்ளது. தற்போது 2627 போ் கரோனா பாதிப்புக்கு சிகிச்சை பெற்று வருகின்றனா்.