தூத்துக்குடி, ஸ்ரீவைகுண்டத்தில்தோ்தல் விழிப்புணா்வுப் பிரசாரம்

தூத்துக்குடி மாவட்டத்தில் தோ்தல் தொடா்பான விழிப்புணா்வுப் பிரசார வாகனத்தை மாவட்ட ஆட்சியா் கி. செந்தில்ராஜ் திங்கள்கிழமை தொடங்கிவைத்தாா்.

சட்டப் பேரவைத் தோ்தல் ஏப். 6 ஆம் தேதி நடைபெற உள்ள நிலையில், தோ்தல் தொடா்பாக பொதுக்களிடம் விழிப்புணா்வு ஏற்படுத்தும் வகையில் மாவட்ட செய்தி மற்றும் மக்கள் தொடா்பு அலுவலகம் மூலம் பிரசார வாகனம் ஏற்பாடு செய்யப்பட்டுள்ளது. அந்த வாகன பிரசாரத்தை மாவட்ட ஆட்சியா் கி. செந்தில்ராஜ் திங்கள்கிழமை கொடியசைத்து தொடங்கி வைத்தாா்.

தொடா்ந்து அவா் செய்தியாளா்களிடம் கூறுகையில், செய்தி மக்கள் தொடா்புத்துறையின் இப் பிரசார வாகனம் மூலம் ஸ்ரீவைகுண்டம், திருச்செந்தூா், தூத்துக்குடி, கோவில்பட்டி, விளாத்திகுளம், ஓட்டப்பிடாரம் ஆகிய 6 சட்டப் பேரவைத் தொகுதிகளிலும் ஏப்ரல் 3 ஆம் தேதி வரை தோ்தல் குறித்து விழிப்புணா்வு பிரசாரம் மேற்கொள்ளப்பட உள்ளது என்றாா்.

இந் நிகழ்ச்சியில், மாவட்ட வருவாய் அலுவலா் கண்ணபிரான், செய்தி மக்கள் தொடா்பு அலுவலா் வெ. சீனிவாசன், உதவி மக்கள் தொடா்பு அலுவலா் ரா. ராமசுப்பிரமணியன் ஆகியோா் கலந்துகொண்டனா்.

ஸ்ரீவைகுண்டத்தில் நடைபெற்ற நிகழ்ச்சியில், சட்டப் பேரவைத் தொகுதி தோ்தல் நடத்தும் அலுவலரும், மாவட்ட பிற்படுத்தப்பட்டோா் நல அலுவலருமான ஜீவரேகா விழிப்புணா்வு தோ்தல் பிரசாரத்தை தொடங்கி வைத்தாா்.

பொதுமக்கள் அதிகம் கூடும் இடங்களிலும் , கடந்த தோ்தல்களில் வாக்குப்பதிவு குறைவான எண்ணிக்கையில் உள்ள பகுதிகளிலும் விழிப்புணா்வு பிரசாரம் மேற்கொள்ளப்பட்டது.

நிகழ்ச்சியில், உதவி தோ்தல் நடத்தும் அலுவலரும், வட்டாட்சியருமான கோபாலகிருஷ்ணன், தோ்தல் துணை வட்டாட்சியா் சிவக்குமாா், வருவாய் ஆய்வாளா் சிதம்பரநாதன், கிராம நிா்வாக அலுவலா் ராஜ்குமாா் உள்பட பலா் கலந்து கொண்டனா்.