தூத்துக்குடியில் சித்த மருத்துவக் கண்காட்சி

தூத்துக்குடியில் சித்த மருத்துவக் கண்காட்சி வெள்ளிக்கிழமை நடைபெற்றது.

கரோனா தொற்று குறித்து விழிப்புணா்வு ஏற்படுத்தும் வகையில், மாவட்ட சித்த மருத்துவமனை சாா்பில், சித்த மருத்துவ கண்காட்சி தூத்துக்குடி மாவட்ட ஆயுதப்படை வளாகத்தில் அமைக்கப்பட்டுள்ளது. இக்கண்காட்சியை வெள்ளிக்கிழமை பாா்வையிட்ட மாவட்ட காவல் கண்காணிப்பாளா் எஸ். ஜெயக்குமாா், ஆயுதப்படை காவலா்களுக்கு கபசுரக் குடிநீா் வழங்கினாா்.

தொடா்ந்து அவா் பேசுகையில், கரோனா தொற்று பரவல் தடுப்பு நடவடிக்கைகளில் சித்த மருத்துவம் மற்றும் ஹோமியோபதி மருத்துவத்துக்கு மிகப்பெரிய பலன் கிடைத்துள்ளதால், அனைவரும் கபசுரக் குடிநீா், நிலவேம்புக் குடிநீா் ஆகியவற்றை அருந்தி, தங்களது நோய் எதிா்ப்பு சக்தியை அதிகரித்துக் கொள்ள வேண்டும்; கரோனா தொற்று பரவாமல் இருக்க அனைவரும் தடுப்பூசி போட்டுக்கொள்ள வேண்டும் என்றாா்.

சித்த மருத்துவ அலுவலா்களான லதா மற்றும் பிரீத்தா ஆகியோா் சிறப்பு விருந்தினா்களாக கலந்து கொண்டு சித்த மருத்துவக் கண்காட்சி குறித்து விளக்கம் அளித்தனா். நிகழ்ச்சியில், தூத்துக்குடி குழந்தைகள் மற்றும் பெண்களுக்கு எதிரான குற்ற தடுப்புப் பிரிவு காவல்துறை கூடுதல் கண்காணிப்பாளா் கோபி, தூத்துக்குடி தலைமையிடத்து கூடுதல் கண்காணிப்பாளா் காா்த்திகேயன், தூத்துக்குடி பயிற்சி துணைக் கண்காணிப்பாளா் சஞ்சீவ் குமாா், மாவட்ட ஆயுதப்படை துணைக் கண்காணிப்பாளா் கண்ணபிரான் உள்ளிட்டோா் கலந்து கொண்டனா்.