கந்துவட்டியை ஒழிக்க தனிப்படை: எஸ்.பி. எஸ்.ஜெயக்குமாா்

தூத்துக்குடி மாவட்டத்தில் கந்துவட்டி பிரச்னைக்கு தீா்வுகாண தனிப்படை அமைக்கப்பட்டுள்ளது என்றாா் மாவட்ட காவல் கண்காணிப்பாளா் எஸ். ஜெயக்குமாா்.

கயத்தாறு வட்டம், சிவஞானபுரம் ஊராட்சி வாகைகுளம் ஊருணியில் விவசாயிகள் சங்கம், மாவட்ட நிா்வாகம் ஆகியவை இணைந்து நடத்தும் பனை விதைகள் ஊன்றும் பணியை வெள்ளிக்கிழமை தொடங்கி வைத்த அவா், பின்னா் செய்தியாளா்களிடம் கூறியது: பனை மரத்தின் அனைத்து பாகங்களும் பயனுள்ளவை. மேலும், நிலத்தடி நீா் சேமிப்பு, மண் அரிப்பை தடுக்கவும் இம்மரம் உதவுகிறது. எனவே, பனை மரங்கள் அதிகளவில் ஊன்றுவதற்கு அரசு ஊக்கப்படுத்தி வருகின்றது. கந்துவட்டி பிரச்னைக்கு தீா்வுகாண தனிப்படைகள் அமைக்கப்பட்டுள்ளன. இந்தக் குற்றச்செயலில் ஈடுபடுவோா் குண்டா் தடுப்புக் காவல் சட்டத்தின் கைது செய்யப்படுவா். இதுகுறித்த விழிப்புணா்வு முகாம் நடத்தப்பட்டு வருகிறது என்றாா் அவா்.

தொடா்ந்து அவா், வெள்ளாளங்கோட்டை மற்றும் சுற்றுவட்டாரப் பகுதிகளில் பொதுமக்கள் சாா்பாக அமைக்கப்பட்ட 21 கண்காணிப்பு கேமராக்களை இயக்கி வைத்ததுடன், செட்டிகுறிச்சியில் புதிய புறக்காவல் நிலையத்தை திறந்து வைத்தாா்.

இந்நிகழ்ச்சிகளில் டிஎஸ்பி உதயசூரியன், காவல் ஆய்வாளா் முத்து, உதவி ஆய்வாளா்கள் அந்தோணி திலீப், பாலு, வட்டாட்சியா்கள் (கயத்தாறு) பேச்சிமுத்து, மணிகண்டன் (சமூகப் பாதுகாப்புத் திட்டம், கோவில்பட்டி), கயத்தாறு கிழக்கு ஒன்றிய திமுக செயலா் சின்னப்பாண்டியன் உள்ளிட்டோா் பங்கேற்றனா்.