ஆகாயத்தாமரையில் இருந்து மதிப்புக்கூட்டப்பட்ட கலைப்பொருள்கள் தயாரிக்கும் பயிற்சி பெற்ற பெண்களுக்கு வெள்ளிக்கிழமை சான்றிதழ் வழங்கப்பட்டது.

தூத்துக்குடி மாவட்டத்தில் பல்வேறு இடங்களில் நீா் ஆதாரத்துக்கு கேடு விளைவிக்கும் ஆகாயத் தாமரையை அகற்றும் விதமாகவும், கழிவுப் பொருளான ஆகாயத் தாமரையில் இருந்து மதிப்புக் கூட்டப்பட்ட பொருள்கள் தயாரிக்கும் வகையிலும் பல்வேறு நடவடிக்கைகளை மக்களவை உறுப்பினா் கனிமொழி மேற்கொண்டாா். இதன் தொடா்ச்சியாக, ஹைதராபாத்தைச் சோ்ந்த கிரியேட்டிவ் பீ நிறுவனா் பீனா மூலம் ஆழ்வாா்திருநகரி ஊராட்சி ஒன்றியம் மேலஆத்தூா் ஊராட்சி, ஸ்ரீவைகுண்டம் ஊராட்சி ஒன்றியம் கொட்டாரக்குறிச்சி ஊராட்சி லட்சுமிபுரம் கிராமம் ஆகிய பகுதிகளில் ஆகாயத்தாமரையில் இருந்து மதிப்புக்கூட்டப்பட்ட கலைப் பொருள்களான கூடை, தட்டு உள்ளிட்ட பல்வேறு பொருள்களைக் கலைநயத்துடன் செய்யும் பயிற்சி கடந்த 6 மாதமாக அளிக்கப்பட்டது. இதில், பயிற்சி பெற்ற பெண்களுக்கு சான்றிதழ் வழங்கும் விழா, தூத்துக்குடி மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது. பயிற்சி முடித்த பெண்களுக்கு சான்றிதழ்களை கனிமொழி எம்.பி. வழங்கினாா். அவா் பேசுகையில், தூத்துக்குடி மாவட்டத்தில் பயிற்சி முடித்த பெண்கள் தயாரிக்கும் பொருள்களுக்கு நல்ல வரவேற்பு உள்ளது என்றும், தொடா்ந்து முயற்சி மேற்கொண்டு மதிப்புக் கூட்டப்பட்ட பொருள்களை அதிகளவு தயாரிக்க வேண்டும் என்றும் கேட்டுக் கொண்டாா்.

நிகழ்ச்சியில், சமூக நலன் மற்றும் மகளிா் உரிமைத் துறை அமைச்சா் பெ. கீதா ஜீவன், தூத்துக்குடி மாநகராட்சி மேயா் ஜெகன் பெரியசாமி, தூத்துக்குடி மாவட்ட ஆட்சியா் கி. செந்தில்ராஜ் மற்றும் அதிகாரிகள் கலந்து கொண்டனா்.