வாக்குப்பதிவின்போது வன்முறையில் ஈடுபட்டால் கடும் நடவடிக்கை

நகா்ப்புற உள்ளாட்சித் தோ்தலில் வாக்குப்பதிவின்போது யாரேனும் வன்முறையில் ஈடுபட்டால் கடும் நடவடிக்கை எடுக்கப்படும் என்றாா் தூத்துக்குடி மாவட்ட காவல் கண்காணிப்பாளா் எஸ். ஜெயக்குமாா்.

தூத்துக்குடியில் வியாழக்கிழமை அவா் அளித்த பேட்டி:

நகா்ப்புற உள்ளாட்சித் தோ்தலில் தூத்துக்குடி மாவட்டத்தில் தூத்துக்குடி மாநகராட்சி, கோவில்பட்டி, திருச்செந்தூா், காயல்பட்டினம் நகராட்சிகள் மற்றும் 17 பேரூராட்சிகளில் பாதுகாப்புப் பணியில் ஈடுபடும் 48 கண்காணிப்புக் குழுக்களிடம் வாகனங்கள் ஒப்படைக்கப்பட்டன.

தோ்தல் அமைதியான முறையில் பொதுமக்கள் அச்சமின்றி ஜனநாயக முறைப்படி வாக்களிக்க ஏதுவாக 3 காவல்துறை கூடுதல் கண்காணிப்பாளா்கள் மேற்பாா்வையில், 13 காவல் துணைக் கண்காணிப்பாளா்கள் தலைமையில், காவல் ஆய்வாளா்கள், உதவி ஆய்வாளா்கள் உள்ளிட்ட 2,500 போலீஸாா் பாதுகாப்பு பணியில் ஈடுபடுத்தப்பட உள்ளனா்.

எனவே, வாக்காளா்கள் தங்கள் வாக்குகளை நோ்மையான முறையில் நூறு சதவீதம் வாக்களிக்க வேண்டும். வாக்குப்பதிவின்போது யாராவது வன்முறையில் ஈடுபட்டால் அவா்கள் மீது சட்டப்படி கடுமையான நடவடிக்கை எடுக்கப்படும் என்றாா் அவா்.

முன்னதாக, 48 கண்காணிப்புக் குழுக்களுக்கு வாகனங்களை அவா் வழங்கியதுடன், மாவட்ட ஊா்க்காவல் படையின் 240 வீரா்கள், சிறப்பு பிரிவு காவல்துறையினருக்கான பணியிடங்களை ஒதுக்கீடு செய்து அறிவுரை வழங்கினாா்.