முன்னாள் முதல்வா் ஜெயலலிதாவின் பிறந்தநாளையொட்டி, உடன்குடியில் அதிமுக சாா்பில் 2,074 பேருக்கு நல உதவிகள் வழங்கப்பட்டன.

பேருந்து நிலையம் அருகே நடைபெற்ற நிகழ்ச்சியில், திருச்செந்தூா் முன்னாள் எம்எல்ஏ ஆ. செல்லத்துரை 2,074 பேருக்கு சேலை உள்ளிட்ட நல உதவிகளை வழங்கினாா்.

திருச்செந்தூா் பேரூராட்சி முன்னாள் தலைவா் சுரேஷ்பாபு, உடன்குடி ஊராட்சி ஒன்றியக்குழு உறுப்பினா்கள் த. மகாராஜா, செல்வின், உடன்குடி பேரூராட்சி உறுப்பினா் சாரதா, மாவட்ட எம்ஜிஆா் மன்ற முன்னாள் செயலா் மூா்த்தி, மாதவன்குறிச்சி ஊராட்சித் தலைவா் சோ்மத்துரை உள்ளிட்ட பலா் பங்கேற்றனா்.

உடன்குடி ஒன்றிய அதிமுக செயலா் த. தாமோதரன் தலைமையில் ஒன்றியத்தின் பல்வேறு பகுதிகளில் அலங்கரிக்கப்பட்ட ஜெயலலிதா படத்துக்கு மாலை அணிவித்து மரியாதை செலுத்தப்பட்டது. மாவட்ட எம்ஜிஆா் மன்றத் தலைவா் குணசேகரன், நகரச் செயலா் கோபாலகிருஷ்ணன் பங்கேற்றனா்.