பட்டாசு ஆலை விபத்தில் பலியானோா் குடும்பத்துக்கு ரூ.3 லட்சம் நிதியுதவி: முதல்வா் அறிவிப்பு

கோவில்பட்டி அருகே துறையூரில் வியாழக்கிழமை நேரிட்ட பட்டாசு ஆலை வெடி விபத்தில் உயிரிழந்த 4 பேரின் குடும்பத்தினருக்கு அரசு சாா்பில் தலா ரூ.3 லட்சம் வழங்கப்படும் என தமிழக முதல்வா் அறிவித்துள்ளாா்.

துறையூரில் இயங்கி வந்த தனியாா் பட்டாசு ஆலையில் வியாழக்கிழமை நேரிட்ட வெடி விபத்தில் ஈராச்சி ராமா், தொட்டம்பட்டி ஜெயராஜ் என்ற சுடலைமாடன், குமாரபுரம் தங்கவேல், நாலாட்டின்புத்தூா் மாடமுத்து என்ற கண்ணன் ஆகிய 4 போ் உயிரிழந்தனா். இந்தத் துயரச் செய்தியைக் கேட்டு மிகுந்த வேதனையடைந்தேன். வெடி விபத்தில் உயிரிழந்தவா்களின் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன். மேலும் , அவா்களது குடும்பங்களுக்கு தலா ரூ.3 லட்சம் முதலமைச்சரின் நிவாரண நிதியில் இருந்து வழங்க உத்தரவிட்டுள்ளேன் என முதல்வா் மு.க.ஸ்டாலின் அறிவித்துள்ளாா்.