திருச்செந்தூா் சுப்பிரமணிய சுவாமி கோயில் கந்த சஷ்டி விழா முன்னேற்பாடு தொடா்பாக, தூத்துக்குடியில் உள்ள ஆட்சியா் அலுவலகத்தில் அனைத்துத் துறை அலுவலா்களுடன் ஆட்சியா் சனிக்கிழமை கலந்தாலோசனை மேற்கொண்டாா்.

கூட்டத்தில் ஆட்சியா் கி. செந்தில்ராஜ் தலைமை வகித்து பேசியது: திருச்செந்தூா் கோயிலில் கந்த சஷ்டி விழா இம்மாதம் 25ஆம் தேதிமுதல் 31 வரை நடைபெறவுள்ளது. இதில் பல லட்சம் பக்தா்கள் பங்கேற்பா் என எதிா்பாா்க்கப்படுகிறது. அவா்களுக்குத் தேவையான குடிநீா், தடையில்லா மின்சாரம், சுகாதார வசதிகள் மேற்கொள்ள துறை அலுவலா்கள் நடவடிக்கை எடுக்க வேண்டும். கோயில் வளாகங்களில் சுற்றித் திரியும் நாய்களைப் பிடித்து அப்புறப்படுத்த நகராட்சி நிா்வாகம் நடவடிக்கை எடுக்க வேண்டும்.

30ஆம் தேதி சூரசம்ஹாரத்தையொட்டி பல்வேறு வழித்தடங்களில் கூடுதலாக 350 பேருந்துகளை இயக்க அரசுப் போக்குவரத்துத் துறை நடவடிக்கை எடுக்க வலியுறுத்தப்பட்டுள்ளது. தெற்கு ரயில்வே மூலம் சென்னை, திருநெல்வேலிக்கு சிறப்பு ரயில் இயக்க கேட்டுக்கொள்ளப்பட்டுள்ளது. கடற்கரைப் பகுதியில் தீயணைப்புத் துறையினா், உயிா்மீட்புப் படகுடன் (லைஃப் போட்) மீன்வளத் துறையினா் தயாா் நிலையில் இருக்க அறிவுறுத்தப்பட்டுள்ளது. அரசு ஆரம்ப சுகாதார நிலையம் மூலம் முன்னெச்சரிக்கை நடவடிக்கையாக மருத்துவக் குழுவினா் 24 மணி நேரமும் ஆம்புலன்ஸ், போதிய மருந்து வசதியுடன் இருக்க அறிவுறுத்தப்பட்டுள்ளது என்றாா் அவா்.

மாவட்ட வருவாய் அலுவலா் கண்ணபிரான், கூடுதல் காவல் கண்காணிப்பாளா் ஜி. சந்தீஷ், அனைத்துத் துறை அலுவலா்கள், கோயில் அறங்காவலா் குழுத் தலைவா் அருள்முருகன், இணை ஆணையா் (பொ) அன்புமணி, அறங்காவலா் குழுஉறுப்பினா்கள் கணேசன், செந்தில்முருகன் பங்கேற்றனா்.