டிஎம்பி வாடிக்கையாளா்களுக்கான வெள்ள இழப்பீடு சிறப்பு முகாம்

தமிழ்நாடு மொ்க்கன்டைல் வங்கி, யுனைடெட் இந்தியா காப்பீட்டு நிறுவனம் ஆகியவை சாா்பில் வெள்ள இழப்பீடு சிறப்பு முகாம் தூத்துக்குடியில் வெள்ளிக்கிழமை நடைபெற்றது.

இந்த முகாம் குறித்து டிஎம்பி நிா்வாக இயக்குநா் மற்றும் தலைமை செயல் அதிகாரி எஸ்.கிருஷ்ணன் செய்தியாளா்களிடம் கூறியது:

தூத்துக்குடி, திருநெல்வேலி மாவட்டத்தில் மழை வெள்ளம் காரணமாக பலா் தங்கள் உடமைகளை இழந்துள்ளனா். மேலும், பல்வேறு சேதங்கள் ஏற்பட்டுள்ளன. எனவே, டிஎம்பி வாடிக்கையாளா்கள் இயல்பு வாழ்க்கையை மீண்டும் தொடங்குவதற்காக பிரத்யேகமாக வெள்ள இழப்பீடு சிறப்பு முகாம் நடத்த முடிவு செய்யப்பட்டது. அதன்படி, தூத்துக்குடியில், யுனைட்டெட் இந்தியா காப்பீட்டு நிறுவனத்துடன் இணைந்து இந்த முகாம் நடைபெறுகிறது.

வெள்ளத்தால் பாதிக்கப்பட்ட 150 வாடிக்கையாளா்களுக்கான இருப்பு சரக்கு, மோட்டாா் வாகனம் தொடா்பான கோரிக்கைகள் தீா்க்கப்பட்டுள்ளன. இந்த முகாமில் எங்கள் வாடிக்கையாளா்களால் சமா்ப்பிக்கப்படும் கோரிக்கைகளுக்கு உடனடியாக தீா்வு காணப்படும்.

தற்போது, யுனைடெட் இந்தியா காப்பீட்டு நிறுவனத்தின் முதன்மை மண்டல மேலாளா் பன்னீா்செல்வம், முகாமில் பங்கேற்ற 2 வாடிக்கையாளா்களுக்கான கோரிக்கைகளுக்கு உடனடியாக தீா்வு வழங்கப்பட உறுதி அளித்தாா். திருநெல்வேலி, திருச்செந்தூரில் இதேபோன்ற பொதுக் காப்பீட்டுக் கோரிக்கை தீா்வு முகாம் ஒரு வார காலத்திற்குள் நடத்தப்படும் என்றாா்.

இந்நிகழ்வில், டிஎம்பி தலைமை அலுவலகம் மற்றும் மண்டல அலுவலகத்தின் நிா்வாகிகள், அதிகாரிகள், யுனைடெட் இந்தியா காப்பீட்டு நிறுவன அதிகாரிகள் பங்கேற்றனா்.