சாத்தான்குளம்: சாத்தான்குளத்தில், அகில இந்திய நகைத் தொழிலாளா்கள் சங்கக் கிளையின் 46ஆம் ஆண்டு பொதுக்குழுக் கூட்டம், ஞாயிற்றுக்கிழமை நடைபெற்றது.

துணைத் தலைவா் வா.ச. சிவராஜ் தலைமை வகித்தாா். கௌரவ ஆலோசகா் இ.ம. முத்துமாணிக்கம் முன்னிலை வகித்தாா். செயற்குழு உறுப்பினா் பே.ப. அழகு சுப்பிரமணியன் இறைவணக்கம் பாடினாா். செயலா் ரா. இ.சே. பழனிவேல்ராஜன், பொருளாளா் மு.இ. பாலமுருகன் ஆகியோா் அறிக்கை தாக்கல் செய்தனா்.

ஸ்ரீபஞ்சபிரம்ம அம்பிகை மடம், ஸ்ரீ சுப்பிரமணிய சுவாமி கோயில் அறங்காவலா் குழுத் தலைவா்ஆ.ப. ஆறுமுகம், அறங்காவலா்கள் லெ.சு. கணேசன், ரா. வீரக்குமாா், சங்கத்தின் சட்ட ஆலோசகா் வழக்குரைஞா் ரா. ராமச்சந்திரன் ஆகியோா் சிறப்பு அழைப்பாளா்களாகப் பங்கேற்றுப் பேசினா்.

கூட்டத்தில், புதிய தலைவராக வா.ச. சிவராஜ், துணைத் தலைவராக ரா. வாலசுப்பிரமணியன், செயலராக ரா.இ.செ. பழனிவேல்ராஜன், துணைச் செயலராக வா. அழகு மகாராஜன், பொருளாளராக மு.இ. பாலமுருகன், கௌரவ ஆலோசகராக இ.ப. முத்துமாணிககம், 12 செயற்குழு உறுப்பினா்கள் தோ்வு செய்யப்பட்டனா்.

10, 12ஆம் வகுப்புப் பொதுத் தோ்வுகளில் முதல் 3 இடங்கள், சிறப்பிடம் பெற்ற நகைத் தொழிலாளா்களின் குழந்தைகளுக்கு பரிசுகள் வழங்கப்பட்டன.

பேரூராட்சி துணைத் தலைவா் பா. மாரியம்மாள், கவுன்சிலா் மா. இந்திரா உள்ளிட்ட சங்க நிா்வாகிகள் பங்கேற்றனா்.

செயற்குழு உறுப்பினா்கள் ச. ஆறுமுகநயினாா் என்ற துரை நிகழ்ச்சிகளைத் தொகுத்து வழங்கினாா்; ரா. வாலசுப்பிரமணியன் வரவேற்றாா். துணைச் செயலா் வா. அழகு மகாராஜன் நன்றி கூறினாா்.