திருச்செந்தூா் கோயிலில் நாளை பங்குனி உத்திர திருவிழா

திருச்செந்தூா் அருள்மிகு சுப்பிரமணிய சுவாமி கோயிலில் ஞாயிற்றுக்கிழமை (மாா்ச் 24) பங்குனி உத்திரத் திருவிழாவும், இரவில் வள்ளி திருக்கல்யாணமும் நடைபெறுகிறது. பங்குனி உத்திரத் திருவிழாவையொட்டி, கோயில் நடை அதிகாலை 3 மணிக்கு நடை திறக்கப்பட்டு, 3.30 மணிக்கு விஸ்வரூப தீபாராதனை, 5 மணிக்கு உதயமாா்த்தாண்ட அபிஷேகம் நடைபெறுகிறது. காலை 6 மணிக்கு கோயிலிலிருந்து வள்ளியம்மன் தவசுக்கு புறப்படுகிறாா். மாலை 4 மணிக்கு சாயரட்சை தீபாராதனை நடைபெறுகிறது. 5 மணிக்கு கோயிலிலிருந்து சுவாமி தங்க மயில் வாகனத்தில் சந்நிதித் தெரு வழியாக ஆனந்தவல்லி அம்பாள் சமேத சிவக்கொழுந்தீஸ்வரா் கோயிலுக்கு வருகிறாா். தொடா்ந்து, சுவாமியும், அம்மனும் கீழ ரதவீதி, பந்தல் மண்டப முகப்புக்கு வருகின்றனா். அங்கு இருவருக்கும் தோள்மாலை மாற்றும் நிகழ்ச்சி நடைபெறுகிறது. பின்னா், இருவரும் வீதியுலா வந்து கோயில் சோ்கின்றனா். கோயிலில் உள்ள 108 மகாதேவா் சந்நிதி முன் இரவு 9 மணிக்கு சுவாமி- வள்ளியம்மன் திருக்கல்யாணம் நடைபெறுகிறது. இரவில் சுவாமிக்கு இராக்கால அபிஷேகம் நடைபெறாது. நாலுமூலைக்கிணறு குன்றுமேலய்யன் சாஸ்தா கோயில்: திருச்செந்தூா் கோயிலுடன் இணைந்த உபகோயிலான நாலுமூலைக்கிணறு அருள்மிகு குன்றுமேலய்யன் சாஸ்தா கோயிலிலும் பங்குனி உத்திரத் திருவிழா ஞாயிற்றுக்கிழமை நடைபெறுகிறது. திருவிழாவில் பங்கேற்கும் பக்தா்களுக்கு கோயில் நிா்வாகம் சாா்பில் அடிப்படை வசதிகள் செய்யப்பட்டு வருகின்றன. ஏற்பாடுகளை கோயில் அறங்காவலா் குழுத் தலைவா் ரா. அருள்முருகன், இணை ஆணையா் மு. காா்த்திக், அறங்காவலா்கள் அனிதா குமரன், பா. கணேசன், ந. ராமதாஸ், வி. செந்தில்முருகன், கோயில் பணியாளா்கள் செய்து வருகின்றனா்.