எதிா்க்கட்சித் தலைவா்களை மிரட்டி ஆட்சியைத் தக்கவைக்க நினைக்கிறது பாஜக: கனிமொழி

கைது உள்ளிட்ட நடவடிக்கைகளைக் காட்டி எதிா்க்கட்சித் தலைவா்களை மிரட்டி ஆட்சியைத் தக்கவைத்துக் கொள்ளலாம் என பாஜக நினைப்பதாக, மக்களவை உறுப்பினா் கனிமொழி குற்றஞ்சாட்டினாா். தூத்துக்குடியில் செய்தியாளா்களிடம் அவா் வெள்ளிக்கிழமை கூறியது: தங்களை விமா்சிக்கும், எதிா்க்கும் அரசியல் தலைவா்களை ‘ஐசிஈ’ (ஐஇஉ - வருமான வரித் துறை, சிபிஐ, அமலாக்கத் துறை) ஆகியவற்றைப் பயன்படுத்தி ஒடுக்கிவிடலாம் என பாஜக நினைக்கிறது. அதாவது, பாஜகவின் எதிா்க்கட்சியில் உள்ள 2ஆவது முதல்வராக ஆம்ஆத்மி கட்சியின் கேஜரிவால் கைது செய்யப்பட்டுள்ளாா். மேலும், காங்கிரஸ் கட்சியின் வங்கிக் கணக்கை முடக்கிவைத்துள்ளனா். இதன்மூலம் தோ்தல் நேரத்தில், எல்லோரையும் மிரட்டி ஆட்சியைத் தக்கவைக்க பாஜக முயன்றுவருகிறது. இதை மக்கள் தெரிந்துகொண்டு, தோ்தலில் அக்கட்சிக்கு எதிராகத்தான் செயல்படுவா். தோ்தல் தோல்வி பயத்தால் இத்தகைய செயல்களில் பாஜக ஈடுபட்டு வருகிறது. தூத்துக்குடி ஆட்சியா் அலுவலகத்தில் செவ்வாய்க்கிழமை (மாா்ச் 26) வேட்புமனு தாக்கல் செய்யவுள்ளேன். அன்று மாலையில் எட்டயபுரம் அருகே சிந்தலக்கரையில் நடைபெறும் திமுக தோ்தல் பிரசாரக் கூட்டத்தில் கட்சித் தலைவரும் முதல்வருமான மு.க. ஸ்டாலின் பங்கேற்றுப் பேசுகிறாா் என்றாா் அவா். முன்னதாக, வடக்கு மாவட்ட திமுக சாா்பில் கலைஞா் அரங்கம் அருகே தோ்தல் அலுவலகம் திறப்பு விழா நடைபெற்றறது. சமூக நலன் - மகளிா் உரிமைத் துறை அமைச்சா் பெ. கீதாஜீவன் தலைமையில், காங்கிரஸ் மாநில துணைத் தலைவா் ஏ.பி.சி.வி. சண்முகம் பங்கேற்று அலுவலகத்தைத் திறந்துவைத்தாா். இதையொட்டி, கருணாநிதி உருவப்படத்துக்கு கனிமொழி எம்.பி. மலா் தூவி மரியாதை செலுத்தினாா். நிகழ்ச்சியில், எம்எல்ஏக்கள் ஜீ.வி. மாா்க்கண்டேயன், ஊா்வசி எஸ். அமிா்தராஜ், தூத்துக்குடி மேயா் ஜெகன் பெரியசாமி, கூட்டணிக் கட்சி நிா்வாகிகள் பங்கேற்றனா்.