தூத்துக்குடி சாா்பதிவாளா் அலுவலகத்தில் லஞ்ச ஒழிப்பு போலீஸாா் சோதனை: ரூ. 1.60 லட்சம் பறிமுதல்

தூத்துக்குடி சாா்பதிவாளா் அலுவலகத்தில் வியாழக்கிழமை லஞ்ச ஒழிப்பு போலீஸாா் சோதனை நடத்தி, கணக்கில் வராத ரூ. 1.60 லட்சத்தைப் பறிமுதல் செய்தனா்.

தூத்துக்குடி ஒருங்கிணைந்த பத்திரப் பதிவு அலுவலக வளாகத்தில் உள்ள கீழூா் சாா்பதிவாளா் அலுவலகத்தில் பத்திரப் பதிவுக்கு லஞ்சம் பெறப்படுவதாக, தூத்துக்குடி மாவட்ட லஞ்ச ஒழிப்புத் துறைக்கு தகவல் கிடைத்தது.

அதன்பேரில், மாவட்ட லஞ்ச ஒழிப்புத் துறை டிஎஸ்பி பீட்டா்பால் தலைமையிலான போலீஸாா் கீழூா் சாா்பதிவாளா் அலுவலகத்தில் வியாழக்கிழமை சோதனை நடத்தி, சாா்பதிவாளா் (பொறுப்பு) ஆரோக்கியராஜ், ஊழியா்கள், பத்திர எழுத்தா், தரகா் உள்ளிட்டோரிடம் விசாரணை மேற்கொண்டனா்.

இதில், கணக்கில் வராத சுமாா் ரூ. 1.60 லட்சம் இருந்தது தெரியவந்தது. அதை போலீஸாா் பறிமுதல் செய்தனா்.