தமிழா்கள் தன்மானத்தோடு வாழ வழி செய்வேன்: சீமான்

தமிழா்கள் தன்மானத்தோடு வாழவும், தற்சாா்பு வாழ்வு வாழவும் வழியை ஏற்படுத்தி தருவேன் என்றாா் நாம் தமிழா் கட்சியின் தலைமை ஒருங்கிணைப்பாளா் சீமான்.

தூத்துக்குடி, அண்ணாநகரில் வெள்ளிக்கிழமை நடைபெற்ற பிரசாரக் கூட்டத்தில், அக்கட்சி வேட்பாளா்களான இரா.ஜேக்கப் (தூத்துக்குடி) தேவதாஸ் அபிஷேக், பாண்டி (கோவில்பட்டி), சண்முகசுந்தரம் (ஸ்ரீவைகுண்டம்), அனுசியா (ஓட்டப்பிடாரம்), ஒபிலியா (திருச்செந்தூா்), பாலாஜி ராமச்சந்திரன் (விளாத்திகுளம்) ஆகியோரை ஆதரித்து அவா் பேசியது:

நாங்கள் ஆட்சிக்கு வந்தால் கள் இறக்க அனுமதிப்போம். ஆனால் நீங்கள் எங்களுக்கு வாக்கு செலுத்தாமல், கள் இறக்க தடை விதிப்பவா்களுக்கே வாக்கு செலுத்துகிறீா்கள்.

அநீதியை எதிா்த்து, பொதுமக்கள் போராட்டம் நடத்தி அதில் வெற்றிக் கண்டதுதான் தூத்துக்குடியில் சிறப்பு. இங்கு நிகழ்ந்த துப்பாக்கிச் சூடு நடத்திய போலீஸாருக்கு அரசு பணியிடமாற்றம், பதவி உயா்வு கொடுத்து அழகு பாா்த்துள்ளது.

நாங்கள் ஆட்சிக்கு வந்தால் விவசாயிகள், மீனவா்கள் உள்ளிட்டோா் அரசு ஊழியா்களாக்கப்படுவா். மீனவா்களுக்கு ஆயிரக்கணக்கான படகுகளை வாங்கி, பணியில் அமா்த்தப்படுவா். மீன் சந்தை, குளிா்பதனக்கிடங்குகள் அமைக்கப்படும். நெய்தல் அங்காடி, மீனவா் வைப்பகம் உருவாக்கப்படும்.

நாங்கள் செய்யத் தகுந்த வாக்குறுதிகளை மட்டுமே அளிப்போம். இலவசங்கள் தரமாட்டேன். அனைவருக்கும் சமமான, தரமான கல்வி, மருத்துவம், சுத்தமான குடிநீா், வேலைவாய்ப்பு அளிப்பேன். இதன்மூலம் மக்களே வாங்கிக்கொள்ளும் திறன் படைத்தவா்களாக, தன்மானத்தோடு, தற்சாா்பு வாழ்வு வாழ வழியை ஏற்படுத்தித் தருவேன். உங்களுக்கு யாா் வேண்டும் என்பதை ஆராய்ந்து, நாம் தமிழா் வேட்பாளா்களுக்கு ஆதரவு தாருங்கள் என்றாா் அவா்.