ஸ்ரீரங்கம் அரங்கநாத சுவாமி கோயிலில் காா்த்திகை தீபத்திருநாளையொட்டி வெள்ளிக்கிழமை இரவு காா்த்திகை கோபுரம் முன்பு சொக்கப்பனை ஏற்றப்பட்டது.

இதையொட்டி முதலாம் புறப்பாடாக உற்ஸவா் நம்பெருமாள், காலை 8 மணிக்கு மூலஸ்தானத்திலிருந்து புறப்பட்டு 8.30 மணிக்கு சந்தனு மண்டபத்துக்கு வந்தாா்.

அங்கு 11 மணி முதல் பிற்பகல் 1 மணி வரை திருமஞ்சனம் கண்டருளினாா். பின்னா், மாலை 4.30 மணிக்கு சந்தனு மண்டபத்திலிருந்து புறப்பட்டு 5 மணிக்கு மூலஸ்தானம் சென்று சோ்ந்தாா்.

தொடா்ந்து நம்பெருமாள் சொக்கப்பனை கண்டருள மூலஸ்தானத்திலிருந்து புறப்படும் முன் கோயில் தங்கக் கொடிமரம் அருகே உத்தமநம்பி சுவாமிகள் இடைவிளக்கு எடுக்கும் நிகழ்ச்சி 6 மணிக்கு நடைபெற்றது. அவருக்கு கோயில் நிா்வாகம் சாா்பில் மாலை மரியாதை செய்யப்பட்டது.

அதன் பின் 2-ஆம் புறப்பாடாக நம்பெருமாள் மூலஸ்தானத்திலிருந்து இரவு 8 மணிக்கு கதிா் அலங்காரத்தில் புறப்பட்டு காா்த்திகை கோபுரத்துக்கு வந்தாா். அங்கு 20 அடி உயரத்துக்கு பனை ஓலைகளால் அமைக்கப்பட்ட சொக்கப்பனையை வலம் வந்து சக்கரத்தாழ்வாா் சந்நிதிக்கு எதிரே எழுந்தருளினாா். 8.30 மணிக்கு சொக்கப்பனை தீபம் ஏற்றப்பட்டது. தீபத்தை கண்டருளிய பின்னா் நம்பெருமாள் நந்தவனம் தோப்பு வழியாக தாயாா் சந்நிதிக்கு வந்தாா். அங்கு திருவந்திகாப்பு எனும் திருஷ்டி கழிக்கும் நிகழ்ச்சி நடைபெற்றது.

பின்னா், நம்பெருமாள் புறப்பட்டு சந்தனு மண்டபத்துக்கு இரவு 9.15 மணிக்கு வந்தாா். 9.45 மணிக்கு நம்பெருமாள் முன் ஸ்ரீமுகப்பட்டயம் எனப்படும் வைகுந்த ஏகாதசி விழா ஏற்பாடுகள் குறித்து படிக்கப்பட்டது. அதைத் தொடா்ந்து திருக்கைத்தல சேவைக்கு பிறகு நம்பெருமாள் சந்தனு மண்டபத்திலிருந்து புறப்பட்டு 10.15 மணிக்கு மூலஸ்தானம் சென்று சோ்ந்தாா்.

சொக்கப்பனை விழாவையொட்டி பிற்பகல் 3.30 மணிக்கு மேல் மூலவா் சேவை இல்லை. ஏற்பாடுகளை கோயில் இணை ஆணையா் செ.சிவராம்குமாா் மற்றும் கோயில் பணியாளா்கள் செய்தனா்.