அரியலூா் நீதிமன்றம் மற்றும் அரசு கலைக் கல்லூரியில் சமத்துவப் பொங்கல் விழா திங்கள்கிழமை கொண்டாடப்பட்டது.

பொங்கல் விழாவை முன்னிட்டு, அரியலூா் நீதிமன்ற வளாகத்தில் நீதிமன்றம் ஊழியா்கள் சாா்பில் சமத்துவப் பொங்கல் விழா மாவட்ட முதன்மை அமா்வு நீதிபதி எம்.டி. சுமதி தலைமையில் திங்கள்கிழமை கொண்டாடப்பட்டது. நீதிமன்ற வளாகத்தில் வண்ணக் கோலமிட்டு, கரும்பு, வாழை, தென்னைக் குருத்து கொண்ட தோரணம் கட்டி அலங்கரிக்கப்பட்டன. இதையடுத்து, புதுப் பானையில் மஞ்சள் கொத்து கட்டி, பச்சரிசி இட்டு பொங்கல் வைத்து, வாழை இலையில் பொங்கல், வாழைப்பழம், செங்கரும்பு வைத்து சூரிய பகவானை அனைவரும் வணங்கினா். இதைத் தொடா்ந்து, நீதிபதிகள், நீதிமன்ற ஊழியா்கள், வழக்குரைஞா்கள், பொதுமக்கள் ஆகியோருக்கு பொங்கல் வழங்கப்பட்டது.

அரசு கலைக் கல்லூரியில்.... அரியலூா் அரசு கலைக் கல்லூரி இயற்பியல் துறை மற்றும் நாட்டு நலப் பணித்திட்ட அலகு 1, 3 சாா்பில் சமத்துவப் பொங்கல் விழா கொண்டாடப்பட்டது.

தமிழா் பாரம்பிரய உடையான வேட்டி, சேலை அணிந்து வந்த இயற்பியல் துறை பேராசிரியா், பேராசிரியைகள் மற்றும் மாணவ, மாணவிகள் ஆகியோா் தங்களது துறை அலுவலகம் எதிரேயுள்ள வளாகத்தில் கரும்பு, மஞ்சள் குலை, காய்கறிகள் வைக்கப்பட்டு, மண் பானையில் பச்சரிசியிட்டு பொங்கல் வைத்து சூரிய பகவானுக்கு படையலிட்டு வணங்கினா். இதைத் தொடா்ந்து அனைவருக்கும் பொங்கல் வழங்கப்பட்டது. விழாவுக்கு கல்லூரி முதல்வா் ஜெ.மலா்விழி தலைமை வகித்தாா். இயற்பியல் துறைத் தலைவா் மு.கந்தசாமி முன்னிலை வகித்தாா். ஏற்பாடுகளை நாட்டு நலப் பணித்திட்ட அலுவலா்கள் வே.கருணாகரன்,செல்வமணி ஆகியோா் செய்திருந்தனா்.