புதுகையில் நெல் கொள்முதல் நிலையங்கள் திறப்பு

புதுக்கோட்டை மாவட்டம், மணவிடுதி ஊராட்சி, கிடாரம்பட்டி, நடுப்பட்டி ஊராட்சி பருக்கைவிடுதியிலும் நேரடி கொள்முதல் நிலையங்கள் ஞாயிற்றுக்கிழமை திறக்கப்பட்டது.

புதுக்கோட்டை மாவட்டம், கிடாரம்பட்டி, பருக்கைவிடுதி ஆகிய இடங்களில் நேரடி நெல் கொள்முதல் நிலையங்களை அமைச்சா் சி. விஜயபாஸ்கா் திறந்து வைத்தாா். முதலாவதாக, புதுக்கோட்டை இயற்கை விவசாயிகள் கூட்டமைப்பினருக்கு ரூ. 21 லட்சம் நிதியுதவிக்கான காசோலை, விராலிமலை நடுப்பட்டியில் இடிதாக்கி உயிரிழந்த சண்முகம் குடும்பத்தினருக்கு முதல்வரின் நிவாரண நிதியில் இருந்து ரூ. 4 லட்சம் ஆகியவற்றையும் அமைச்சா் சி. விஜயபாஸ்கா் வழங்கினாா்.

பின்னா், குளவாய்பட்டியில் நகரும் நியாயவிலைக் கடையை அவா் தொடங்கி வைத்தாா். கூழையான்விடுதியில் உள்ள நியாயவிலைக் கடையில் உள்ள 592 குடும்ப அட்டைகளில் இருந்து 130 குடும்ப அட்டைகளைப் பிரித்து இந்த நகரும் நியாயவிலைக் கடைக்கு வழங்கப்பட்டுள்ளன.

இந்நிகழ்ச்சிகளுக்கு, ஆட்சியா் பி. உமா மகேஸ்வரி தலைமை வகித்தாா். கந்தா்வகோட்டை சட்டப்பேரவை உறுப்பினா் பா. ஆறுமுகம், மாவட்ட வருவாய் அலுவலா் பெ.வே. சரவணன், மண்டலக் கூட்டுறவு இணைப் பதிவாளா் எம். உமா மகேஸ்வரி, மாவட்ட ஊராட்சித் தலைவா் த. ஜெயலட்சுமி, தமிழ்நாடு நுகா்பொருள் வணிக நிறுவனத்தின் துணை மேலாளா் ராமகுரு, மாவட்ட பால்வளத் தலைவா் பழனியாண்டி, இலுப்பூா் வருவாய்க் கோட்டாட்சியா் டெய்சிகுமாா் உள்ளிட்டோா் பங்கேற்றனா்.

இதேபோல், கறம்பக்குடி ஒன்றியத்தில் குரும்பிவயல், பட்டத்திக்காடு கிராமத்தில் சனிக்கிழமை அரசின் நேரடி நெல் கொள்முதல் நிலையங்களையும், கறம்பக்குடி அருகேயுள்ள கூகைபுளியான்கொல்லையில் நகரும் நியாய விலை கடையையும் அமைச்சா் சி. விஜயபாஸ்கா் திறந்து வைத்தாா்.