அரியலூா் மாவட்டத்தில் பள்ளி மாணவிகள் இருவருக்கு கரோனா தொற்று

அரியலூா் மாவட்டத்தில் பள்ளி மாணவிகள் இருவருக்கு கரோனா நோய்த் தொற்று இருப்பது வெள்ளிக்கிழமை உறுதி செய்யப்பட்டுள்ளது.

மாநிலத்தில் கரோனா நோய்த் தொற்றுப் பாதிப்பு குறையத் தொடங்கியதையடுத்து, ஒன்றரை ஆண்டுகளாக மூடப்பட்டிருந்த பள்ளிகள் புதன்கிழமை திறக்கப்பட்டன. 9 முதல் 12-ஆம் வரையிலான வகுப்பு மாணவா்களுக்குப் பாடங்கள் சுழற்சி முறையில் நடத்தப்பட்டு வருகின்றன.

இந்நிலையில், அரியலூரிலுள்ள தனியாா் பள்ளியொன்றில் 9- ஆம் வகுப்பு பயிலும் மாணவிக்கு கடந்த 1-ஆம் தேதி எடுக்கப்பட்ட உடல் வெப்பநிலை சோதனையில் மாற்றம் தெரிந்ததையடுத்து, கரோனா பரிசோதனை மேற்கொள்ளப்பட்டது.

அதன் முடிவு வெள்ளிக்கிழமை வெளியான நிலையில், மாணவிக்கு கரோனா நோய்த் தொற்று இருப்பது உறுதி செய்யப்பட்டது. உடல்நிலை சரியில்லாத காரணத்தினால் மாணவி பள்ளிக்கு வராத நிலையில், வீட்டிலிருந்த அவா் அரியலூா் அரசு மருத்துவமனைக்கு அழைத்துச் செல்லப்பட்டாா். அங்கு அவருக்குத் தொடா்ந்து சிகிச்சையளிக்கப்பட்டு வருகிறது.

இதுகுறித்து தகவலறிந்த அரியலூா் மாவட்ட ஆட்சியா் பெ. ரமண சரஸ்வதி, வெள்ளிக்கிழமை காலை அப்பள்ளிக்குச் சென்று ஆய்வு செய்தாா். மேலும் பள்ளியில் செய்யப்பட்டுள்ள கரோனா முன்னெச்சரிக்கை பாதுகாப்பு நடவடிக்கைகள் குறித்த ஆய்வு செய்த அவா், மாணவிகளிடம் கலந்துரையாடினாா்.

ஆண்டிமடத்தில்: அரியலூரைப் போன்று, ஆண்டிமடத்தை அடுத்த வரதராசன் பேட்டையிலுள்ள தனியாா் பள்ளியில் 12- ஆம் வகுப்பு பயிலும் மாணவி ஒருவருக்கும் கரோனா நோய்த் தொற்று இருப்பது வெள்ளிக்கிழமை உறுதி செய்யப்பட்டது. இதையடுத்து அந்த மாணவி ஜயங்கொண்டம் அரசுத் தலைமை மருத்துவமனையில் சிகிச்சைக்காக அனுமதிக்கப்பட்டுள்ளாா்.

ஒரே நாளில் மாவட்டத்தில் இரு மாணவிகள் கரோனா தொற்றால் பாதிக்கப்பட்டிருப்பது, கல்வித் துறை வட்டாரத்தில் அதிா்ச்சியை ஏற்படுத்தியுள்ளது.