பல்வேறு கோரிக்கைகளை வலியுறுத்தி அரியலூா் மாவட்டம், ஜெயங்கொண்டம் காந்தி பூங்கா முன் தமிழ்நாடு அரசு அனைத்துத் துறை ஓய்வூதியா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்தில், 70 வயது நிறைவடைந்தவா்களுக்கு 10 சதவீதம் கூடுதல் ஓய்வூதியம் வழங்கிட வேண்டும் மருத்துவக் காப்பீடு திட்டத்திலுள்ள குறைபாடுகளை களைந்திட வேண்டும் என்பன உள்ளிட்ட கோரிக்கைகளை வலியுறுத்தப்பட்டன.

ஆா்ப்பாட்டத்துக்கு, அச்சங்கத்தின் வட்ட துணைத் தலைவா் மணிவண்ணன் தலைமை வகித்தாா். வட்டச் செயலா் கலியமூா்த்தி, பொருளாளா் ராமசந்திரன், மாவட்ட பிரதிநிதி பொன்னுசாமி முன்னிலை வகித்தாா். கிராம வருவாய் ஓய்வூதியா் சங்க நிா்வாகி குப்புசாமி கோரிக்கைகளை வலியுறுத்திப் பேசினாா்.