கிராமசபைக் கூட்டத்தில் நியாயவிலைக் கடை பதிவேடுகள் தணிக்கை :ஆட்சியர்

கரூர் மாவட்டத்தில் ஜன.26 ஆம் தேதி நடைபெறும் கிராமசபைக் கூட்டத்தில் நியாயவிலைக்கடை பதிவேடுகள் தணிக்கை நடைபெறும் என்று மாவட்ட ஆட்சியர்த.அன்பழகன் தெரிவித்துள்ளார். 
இதுகுறித்து அவர் வெளியிட்டுள்ள செய்திக்குறிப்பு: 
பொது விநியோகத் திட்டம் மற்றும்  நியாய விலை கடைகள் செயல்பாட்டில் தூய்மையான நடைமுறையைக் கொண்டு வரும் வகையில்,  நியாய விலை கடைகளின் பதிவேடுகளை சமூக தணிக்கைக்குள்படுத்த அரசு உத்தரவிட்டுள்ளது.
இந்த நிலையில், குடியரசுத் தினத்தையொட்டி, ஜனவரி 26 ஆம் தேதி நடைபெறும்  கிராமசபைக் 
கூட்டங்களில், கிராமப்புற நியாய விலை அங்காடிகளில் பயன்படுத்தப்படும்,  அனைத்து பதிவேடுகள் மற்றும் முன்னுரிமை குடும்ப அட்டை,  பயனாளிகளின் பட்டியல் சமுதாய தணிக்கைக்குழுவின் தணிக்கைக்கு வைக்கப்பட்டு, தணிக்கை செய்யப்படும். எனவே பொதுமக்கள் கிராமசபை கூட்டத்தில் பங்கேற்று, பொது விநியோகத் திட்ட செயல்பாடுகள் குறித்த தங்களது கருத்துக்களைத் தெரிவிக்கலாம்.