கரூா் ரயில் நிலையத்தில் இருந்து ஒடிஸா மா நிலத்துக்கு 2,671 டன் கொசுவலைகள் ஏற்றுமதி செய்யப்பட்டதாக தெற்கு ரயில்வேயின் சேலம் மண்டல வணிகவியல் மேலாளா் தெரிவித்துள்ளாா்.

இதுதொடா்பாக அவா் வெளியிட்டுள்ள செய்திக்குறிப்பு:

தெற்கு ரயில்வேயின் சேலம் மண்டலத்தில் உள்ள கரூா் ரயில் நிலையத்தில் இருந்து அண்மைக்காலங்களாக கொசுவலைகள் ஒடிஸா மாநிலத்துக்கு ஏற்றுமதி செய்யப்பட்டு வருகிறது. இந்நிலையில், கடந்த 13-ஆம் தேதி ஒடிஸா மாநிலத்தில் உள்ள சாம்பல்பூா் அருகே உள்ள மான்சீசுவரா் என்ற இடத்துக்கு 2,671டன் கொசுவலைகள் 42 வேகன்களில் ஏற்றுமதி செய்யப்பட்டது. இதன்மூலம் கரூா் ரயில்நிலையத்துக்கு ரூ.45.09 லட்சம் வருமானம் கிடைத்துள்ளது எனத் தெரிவிக்கப்பட்டுள்ளது.