கரூா் அருகே தனியாா் பள்ளியின் அலுவலக அறைக்கதவைஉடைத்து ரூ.1.50 லட்சத்தை திருடிச் சென்ற மா்ம நபா்களை போலீஸாா் தேடி வருகின்றனா்.

கரூா் மாவட்டம் கடவூா் அடுத்த ரெட்டியப்பட்டியில் உள்ள எஸ்.கே.வி. பள்ளி உள்ளது. இந்த பள்ளியின் அறையை வழக்கம்போல முதல்வா் பாரதிராஜா(34) வியாழக்கிழமை மாலை பூட்டிவிட்டுச் சென்றுள்ளாா்.

இந்நிலையில் வெள்ளிக்கிழமை காலை வந்துபாா்த்தபோது அலுவலக அறையின் கதவு உடைக்கப்பட்டு, உள்ளே பீரோவில் இருந்த ரூ.1.50 லட்சத்தை யாரோ மா்ம நபா்கள் திருடிச் சென்றிருப்பது தெரியவந்தது. புகாரின்பேரில் பாலவிடுதி போலீஸாா் வழக்குப் பதிந்து பணத்தை திருடிச் சென்ற மா்ம நபா்களை தேடி வருகின்றனா்.