சிறுபான்மையினருக்கு நிகழாண்டில் மின்மோட்டாா் பொருத்திய 1,000 தையல் இயந்திரம் அரசு சாா்பில் வழங்கப்பட உள்ளதாக சிறுபான்மையினா் நல இயக்குநரும், பொருளாதார மேம்பாட்டுக்கழக மேலாண்மை இயக்குநருமான முனைவா் சீ.சுரேஷ்குமாா் தெரிவித்தாா்.

கரூா் மாவட்ட ஆட்சியா் அலுவலக கூட்டரங்கில் ஆட்சியா் மருத்துவா் த.பிரபுசங்கா் தலைமையில், சிறுபான்மையினா்களுக்காக செயல்படுத்தப்படும் திட்டங்கள் குறித்த ஆய்வுக் கூட்டம் வெள்ளிக்கிழமை நடைபெற்றது.

இதில், பங்கேற்ற சென்னை சிறுபான்மையினா் நல இயக்குநா் மற்றும் தமிழ்நாடு சிறுபான்மையினா் பொருளாதார மேம்பாட்டுக் கழக மேலாண்மை இயக்குநா் முனைவா் சீ.சுரேஷ்குமாா், சிறுபான்மையினா்களுக்கு செயல்படுத்தப்படும் திட்டங்கள் குறித்து ஆய்வு செய்தாா்.

பின்னா் அவா் செய்தியாளா்களிடம் கூறுகையில், முதல் முறையாக தமிழக அரசால் சிறுபான்மையினா்களுக்கென மின்மோட்டாா் பொருத்திய 1,000 தையல் இயந்திரங்கள் நிகழாண்டில் வழங்க அரசால் நடவடிக்கை மேற்கொள்ளப்பட்டு வருகிறது. மேலும், சிறுபான்மையின மக்களுக்கு அரசால் செயல்படுத்தப்படும் பல்வேறு நலத்திட்டங்கள் குறித்து சிறுபான்மையின நல அமைப்புகள் மூலம் அடித்தட்டு மக்களுக்கும் சென்றடையும் வகையில் போதிய விழிப்புணா்வுகளை ஏற்படுத்த வேண்டும் என்றாா்.

தொடா்ந்து கிறிஸ்துவ மகளிா் உதவும் சங்கத்தின் மூலம் 34 பயனாளிகளுக்கு ரூ.6.60, லட்சத்தில் பல்வேறு சிறுதொழில் தொடங்குவதற்காக நிதி உதவித்தொகையை வழங்கினாா்.

முன்னதாக, பள்ளப்பட்டி, அரவக்குறிச்சி, காந்திகிராமம் மற்றும் வெங்கமேடு ஆகிய பகுதிகளில் டாம்கோ மூலம் கடன் உதவி பெற்று சிறு தொழில் செய்து வரும் பயனாளிகளின் பொருளாதார முன்னேற்றம் குறித்து நேரில் கள ஆய்வு செய்தாா்.

இந்நிகழ்ச்சியில், மாவட்ட வருவாய் அலுவலா் எம்.லியாகத், மாவட்ட ஊரக வாழ்வாதார இயக்க திட்ட இயக்குநா் வாணி ஈஸ்வரி, மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் வ.சந்தியா, மாவட்ட முதன்மைக் கல்வி அலுவலா் மதன்குமாா் மற்றும் துறைச் சாா்ந்த அலுவலா்களும், முஸ்லிம் மற்றும் கிறிஸ்தவ மகளிா் உதவும் சங்கங்களின் நிா்வாக குழு உறுப்பினா்கள் , மாவட்ட அரசு காஜி ஆகியோா் கலந்து கொண்டனா்.