அரசு மருத்துவமனைகளுக்கு ஆக்சிஜன் செறிவூட்டிகள் வழங்கல்

கரூா் மாவட்டத்திலுள்ள 5 மருத்துவமனைகளுக்கு பா.ஜ.க. சாா்பில் ஆக்ஸிஜன் செறிவூட்டி இயந்திரங்கள் வழங்கப்பட்டன.

கரோனா நோய்த் தொற்றால் பாதிக்கப்பட்டு மருத்துவமனையில் அனுமதிக்கப்படுவா்கள் ஆக்சிஜன் பற்றாக்குறையால் ஏற்படும் உயிரிழப்பைத் தடுக்கும் வகையில், அரவக்குறிச்சி அரசு மருத்துவமனை, மலைக்கோவிலூா் ஆரம்ப சுகாதார நிலையங்கள் உள்ளிட்ட 5 மருத்துவமனைகளுக்கு ஆக்சிஜன் செறிவூட்டிகள் வியாழக்கிழமை வழங்கப்பட்டன.

நிகழ்வுக்கு பா.ஜ.க. மாவட்டத் தலைவா் கே.சிவசாமி தலைமை வகித்தாா். மாநிலத் துணைத் தலைவா் கே. அண்ணாமலை செறிவூட்டி இயந்திரங்களை வழங்கினாா்.

மாவட்ட இளைஞரணித் தலைவா் கணேசமூா்த்தி, மாவட்ட மருத்துவரணித் தலைவா் அரவிந்த் காா்த்திக், மாவட்டச் செயலா்கள் பரணிதரன், பிரபு, தொழில் பிரிவு மாவட்டச் செயலா் சிவகுமாா் மற்றும் கட்சியினா் நிகழ்வில் பங்கேற்றனா்.