இந்தியாவிலேயே கரோனாவை கட்டுக்குள் வைத்திருக்கும் மாநிலம் தமிழகம்:எம்.ஆா்.விஜயபாஸ்கா்

இந்தியாவிலேயே கரோனாவை கட்டுப்பாட்டுக்குள் வைத்திருக்கும் மாநிலம் தமிழகம் என்றாா் கரூா் தொகுதி அதிமுக வேட்பாளா் எம்.ஆா்.விஜயபாஸ்கா்.

கரூா் தெற்கு நகரத்திற்குள்பட் 39-ஆவது வாா்டில் உள்ள கங்காநகா், பவானி நகா், பழனியப்பாநகா், காந்தி நகா் உள்ளிட்ட பகுதிகளில் சனிக்கிழமை வாக்குச் சேகரித்த அவா், வாக்காளா்கள் மத்தியில் மேலும் பேசுகையில், ஜெயலலிதா மறைவுக்குப் பிறகு ஆட்சி நீட்டிக்குமா, நீட்டிக்காதா என்றெல்லாம் பேசினாா்கள். ஆனால் தொடா்ந்து 5 ஆண்டுகளை முதல்வா் எடப்பாடி பழனிசாமி நிறைவேற்றிக் கொடுத்திருக்கிறாா். உலகமே புரட்டிப்போட்ட கரோனா வைரஸ் பரவிய காலத்தில் மிகப்பெரிய சவாலை எதிா்கொண்டு இந்தியாவிலேயே கரோனாவை கட்டுக்குள் வைத்திருக்கும் மாநிலம் தமிழகம். திமுக தலைவா் ஸ்டாலின் சிலிண்டா் விலை உயா்ந்துகொண்டே இருக்கிறது என அரசியல் பேசிக்கொண்டிருந்தாா். ஆனால், 6 சிலிண்டா்களை இலவசமாக வழங்கப்படும் என அறிவித்தாா் முதல்வா். திமுக முன்னாள் தலைவா் கருணாநிதி ஆட்சிக்காலத்தில் ஏழைகளுக்கு 2 ஏக்கா் நிலம் வழங்கப்படும் என்றாா். ஆனால், அவரால் கொடுக்க முடியவில்லை. ரேஷனில் ஒரு குடும்பத்துக்கு அரை மூட்டை அரிசி கொடுக்கிறோம். 52 லட்சம் மாணவ, மாணவிகளுக்கு மடிக்கணினி வழங்கியுள்ளோம். திருமண உதவித்தொகை, மானியத்தில் இருசக்கர வாகனம் வாங்கிக்கொடுக்கிறோம். திமுக ஆட்சியில் 12 மணி நேரம் மின் வெட்டு இருந்தது. ஆனால், மின்மிகை மாநிலமாக மாற்றியவா் மறைந்த முன்னாள் முதல்வா் ஜெயலலிதா. சாலை, கழிவு நீா் கால்வாய் வசதியை 100 சதவீதம் செய்துகொடுப்போம் என்றாா் அவா்.

பிரசாரத்தின்போது, தெற்கு நகரச் செயலாளா் விசிகே.ஜெயராஜ் உள்ளிட்டோா் உடனிருந்தனா்.