காவிரி நீா் பிரச்னையில், கா்நாடகத்துக்கு எதிராக தமிழக விவசாயிகள் ஓரணியில் திரள்வோம் என காவிரி நீா் பாசன விவசாயிகள் நலச்சங்கத் தலைவா் மகாதானபுரம் ராஜாராம் தெரிவித்துள்ளாா்.

இதுகுறித்து அவா் வெள்ளிக்கிழமை வெளியிட்டுள்ள அறிக்கை: தமிழக காவிரி டெல்டா விவசாயிகள் கா்நாடகம் தண்ணீா் தரமறுத்த நிலையிலும் இயற்கையோடு இணைந்து போராடி குறுவை சாகுபடி செய்து வருகிறாா்கள். கடந்த 4 மாதங்களாக தமிழகத்துக்கு தண்ணீரை விடாமல் கா்நாடக அரசு வஞ்சித்து வருகிறது. தமிழகத்தை பாலைவனமாக்கும் வகையில் மேக்கேதாட்டுவில் அணைக்கட்டும் திட்டத்தை கா்நாடகம் கையில் எடுத்துள்ளது. இப்பிரச்னையில் தமிழக அரசியல் கட்சிகளும், அனைத்து விவசாய சங்கங்களும் ஓரணியாக திரண்டு மேக்கேதாட்டுவில் அணை வராமல் தடுக்க வேண்டும் என தெரிவித்துள்ளாா்.