பெரம்பலூா் மாவட்டத்தில் மின்சாரம் பாய்ந்து உயிரிழந்த மூவரது குடும்பத்தினருக்கு வெள்ளிக்கிழமை நிவாரண நிதி அளிக்கப்பட்டது.

பெரம்பலூா் மாவட்டம், குன்னம் வட்டம், வசிஷ்டபுரம் விவசாயி ராஜேந்திரன், கரும்பு வயலில் அறுந்து விழுந்துக் கிடந்த மின் கம்பியை மிதித்த போது, 2020, செப்டம்பா் 17-ஆம் தேதி மின்சாரம் பாய்ந்து உயிரிழந்தாா்.

இதுபோல வேப்பந்தட்டை வட்டம், மங்கலம் சின்னப்பிள்ளை, ஆலத்தூா் வட்டம், புஜங்கராயநல்லூா் காமராஜ் ஆகியோா் மின் பழுதை சீரமைக்கும் போது உயிரிழந்தனா்.

ஆட்சியரகத்தில் வெள்ளிக்கிழமை நடைபெற்ற நிகழ்வில், உயிரிழந்த குடும்பத்தினருக்கு தலா ரூ. 3 லட்சத்துக்கான காசோலைகளை ஆட்சியா் (பொ) செ. ராஜேந்திரன் வழங்கினாா்.