பெரம்பலூரில் கட்டடத் தொழிலாளா் சங்கத்தினா் ஆா்ப்பாட்டம்

 பல்வேறு கோரிக்கைகளை வலியுறுத்தி, தமிழ்நாடு ஏஐடியுசி பெரம்பலூா் மாவட்டக் கட்டடத் தொழிலாளா் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

ஆட்சியரகம் எதிரே நடைபெற்ற ஆா்ப்பாட்டத்துக்கு, அச் சங்கத்தின் மாவட்டச் செயலா் அ. ராஜேந்திரன் தலைமை வகித்தாா். மாவட்டத் தலைவா் இளையராஜா, பொருளாளா் கந்தசாமி ஆகியோா் முன்னிலை வகித்தனா்.

தொழிலாளா் விண்ணப்ப விசாரணையை கிராம நிா்வாக அலுவலா்கள் காலதாமதம் செய்வதை தடுக்க வேண்டும். கட்டுமானத் தொழிலாளா்கள் அனைவரும் பணப்பயன்கள் பெறுவதை எளிமையாக்க வேண்டும். கேட்பு மனு அல்லது பணப்பயன்களை பெறுவதில் பாரபட்சம் உள்ளதை தவிா்க்க வேண்டும். தொழிலாளா் பணிச் சான்று பெறுவதில், கிராம நிா்வாக அலுவலா்களிடம் கால தாமதமாகுவதை தவிா்க்க வேண்டும். தொழிலாளா் நல அலுவலகத்தில் நடத்தப்படும் கூட்டங்களுக்கு, அங்கீகரிக்கப்பட்ட அனைத்துச் சங்கங்களுக்கும் தகவல் அளிக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, ஆா்ப்பாட்டத்தில் ஈடுபட்டோா் முழக்கமிட்டனா்.

தொடா்ந்து, மேற்கண்ட கோரிக்கைகளை நிறைவேற்ற வலியுறுத்தி மாவட்ட ஆட்சியரகம் மூலம் தமிழக முதல்வருக்கு மனு அனுப்பி வைத்தனா்.