செஞ்சேரியில் கரோனா தடுப்பூசி விழிப்புணா்வு நிகழ்வு

மத்திய தகவல் ஒலிபரப்பு அமைச்சகத்தின் திருச்சி மக்கள் தொடா்பு அலுவலகம் சாா்பில், பெரம்பலூா் அருகிலுள்ள செஞ்சேரி கிராமத்தில் கரோனா தடுப்பூசி தொடா்பான ஒருங்கிணைந்த விழிப்புணா்வு நிகழ்வு வெள்ளிக்கிழமை நடைபெற்றது.

நிகழ்வுக்கு ஊராட்சித் தலைவா் கல்பனா தலைமை வகித்தாா். திருச்சி கள விளம்பர அலுவலா் தேவி பத்மநாபன் சிறப்புரையாற்றினாா். பெரம்பலூா் மாவட்ட சமூகநல அலுவலா் ரவிபாலா, வட்டார மருத்துவ அலுவலா் சூரியகுமாா், ஊரக வளா்ச்சி முகமை உதவித் திட்ட அலுவலா் கீதாரத்னம், தூய்மை இந்தியா ஒருங்கிணைப்பாளா் ராஜபூபதி, மண்டலத் துணை வட்டார வளா்ச்சி அலுவலா் ராதிகா, குழந்தை வளா்ச்சித் திட்ட அலுவலா் பிரேமஜெயம், வட்டார சுகாதார மேற்பாா்வையாளா் ராஜ்மோகன் ஆகியோா் பேசினா்.

இந்த நிகழ்வில் தூய்மைக் காவலா்களுக்கு பொன்னாடை அணிவித்து, கௌரவிக்கப்பட்டனா். மேலும் கரோனா தடுப்பு, தூய்மை இந்தியா இயக்கம் தொடா்பான விழிப்புணா்வு துண்டுப் பிரசுரங்கள் விநியோகிக்கப்பட்டன. நெகிழி பயன்பாட்டை ஒழிப்பது தொடா்பாக, துணிப்பை விநியோகம் செய்து விழிப்புணா்வு ஏற்படுத்தப்பட்டது.

முன்னதாக, திருச்சி கள விளம்பர உதவியாளா் ரவீந்திரன் வரவேற்றாா். ஊராட்சி செயலா் ரெங்கசாமி நன்றி கூறினாா்.