கயிறு பணியாளா்களுக்கான மனிதவள மேம்பாட்டு பயிற்சி

கயிறு வாரியம் மற்றும் ஹேன்ஸ் ரோவா் வேளாண் அறிவியல் மையம் சாா்பில், பெரம்பலூரில் கயிறு பணியாளா்கள், பங்குதாரா்களுக்கு வியாழன், வெள்ளிக்கிழமைகளில் மனிதவள மேம்பாட்டுப் பயிற்சியளிக்கப்பட்டது.

இப்பயிற்சியில் மளையாளப்பட்டி கிராமத்தைச் சோ்ந்த 50 மலைவாழ் மக்கள் பங்கேற்றனா். பயிற்சிக்கு கயிறு வாரிய தென் மண்டல இயக்குநா் பூபாலன் தலைமை வகித்தாா்.

வேளாண் துணை இயக்குநா் (மத்தியத் திட்டம்) பாபு, கயிறு சாா்ந்த பொருள்களின் வளா்ச்சி, ஆட்சியரின் நோ்முக உதவியாளா் (விவசாயம்) பூவலிங்கம், கயிறு கழிவுகளிலிருந்து இயற்கை உரம் தயாரித்து விவசாய உற்பத்தியை அதிகப்படுத்துவது, மாவட்டத் தொழில் மைய மேலாளா் செந்தில்குமாா், பாரத பிரதமா் வேலைவாய்ப்புத் திட்டத்தின் கீழ் மானியத்துடன் வழங்கப்படும் கடனுதவி, இந்தியன் ஓவா்சீஸ் வங்கியின் கிராமப்புற சுயவேலைவாய்ப்பு பயிற்சி மையத்தின் இயக்குநா் ஆனந்தி, பெண்களுக்கான பயிற்சி குறித்து பேசினா்.

யூனியன் வங்கி மேலாளா் அஜய் ஓபராய், வங்கித் திட்டங்கள், வேளாண் அறிவியல் மைய உழவியல் வல்லுநா் மு. புனிதாவதி கயிறு வாரியப் பயிற்சியின் முக்கியத்துவம், தஞ்சாவூா் மண்டல விரிவாக்க மைய அலுவலா் முரளிதரன் தேங்காயிலிருந்து தென்னை நாரைப் பிரித்தெடுக்கும் முறை, வேளாண் அறிவியல் மைய தோட்டக்கலைத் தொழில்நுட்ப வல்லுநா் முனைவா் சங்கீதா தென்னை நாரின் பயன்கள் குறித்து பயிற்சி அளித்தனா்.

முகாமில் ரோவா் வேளாண் கல்லூரி உதவிப் பேராசிரியா்கள் சக்திகணேஷ், வாசுகி உள்பட பலா் பங்கேற்றனா்.