மாா்ச் 21-இல் கேந்திரிய வித்யாலயா பள்ளிக்குதற்காலிக ஆசிரியா், பணியாளா்களுக்கு நோ்காணல்

பெரம்பலூரில் செயல்பட்டு வரும் கேந்திரிய வித்யாலயா பள்ளியில் தற்காலிக ஆசிரியா் மற்றும் பணியாளா்களுக்கான நோ்காணல் மாா்ச் 21, 22 ஆம் தேதிகளில் நடைபெற உள்ளதாக ஆட்சியா் ப. ஸ்ரீ வெங்கட பிரியா தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

பெரம்பலூரில் செயல்படும் மத்திய அரசின் கேந்திரிய வித்யாலயா பள்ளியில் பகுதி நேர, தற்காலிக ஒப்பந்த அடிப்படையில் பணிபுரிய ஆசிரியா்கள் மற்றும் பணியாளா்களுக்கான நோ்முகத்தோ்வு மாா்ச் 21 மற்றும் 22 ஆகிய தேதிகளில் நடைபெறுகிறது.

ஹிந்தி, வேதியியல், கணினி, அறிவியல் ஆகிய பாடங்களில் முதுகலைப் பட்டதாரி ஆசிரியா் பணிக்கும், சமூக அறிவியல், வரலாறு, புவியியல், உயிரியல், ஆங்கிலம், இந்தி, சம்ஸ்கிருதம், கணிதம் ஆகிய பாடங்களில் பட்டதாரி ஆசிரியா்கள் பணிக்கும், ஆங்கிலம், கணிதம், சமூக அறிவியல், ஹிந்தி ஆகிய பாடங்களில் தொடக்கப்பள்ளி ஆசிரியா்கள் பணிக்கும், உடற்கல்வி, யோகா பயிற்சியாளா், மருத்துவா், செவிலியா், மனநல ஆலோசகா், இசை, நடனம், ஓவியம் மற்றும் கைவினை பயிற்சியாளா்கள், தமிழாசிரியா், கணினி பயிற்றுநா், அலுவலகப் பணிகளை மேற்கொள்வதற்கான டேட்டா என்ட்ரி ஆபரேட்டா், ஆண், பெண் உதவியாளா்கள், பாதுகாவலா் ஆகியப் பணிகளுக்கு தற்காலிக ஒப்பந்த அடிப்படையில் பணிபுரிய நோ்காணல் நடைபெறுகிறது.

எழுத்துத் தோ்வு நோ்காணல் மற்றும் செயல்முறை தோ்வு மூலம் தோ்ந்தெடுக்கப்பட்டு, ஓராண்டு வரை பட்டியலில் வைக்கப்படுவா். காலிப்பணியிடத்துக்கான வாய்ப்பு ஏற்படும்போது தோ்ந்தெடுக்கப்பட்டவா்களுக்கு பணிவாய்ப்பு தற்காலிகமாக அளிக்கப்படும். மேலும் விவரங்களுக்கு  இணையதளத்தில் அறிந்து கொள்ளலாம்.

ஆங்கிலத்தில் சரளமாக பேசும் திறன், புதிய கல்விக் கொள்கை குறித்த அடிப்படை அறிவு, கணினி சாா்ந்த திறன், டைப்பிங் உள்ளிட்ட திறமையுள்ளவா்களுக்கு முன்னுரிமை அளிக்கப்படும்.