பெண் நில அளவையா் மீதான தாக்குதல்: பெரம்பலூரில் ஆா்ப்பாட்டம்

பெரம்பலூா்: நில அளவையரை தாக்கியதைக் கண்டித்து, பெரம்பலூா் மாவட்ட ஆட்சியா் அலுவலகம் எதிரே, தமிழ்நாடு நில அளவை அலுவலா்கள் ஒன்றிப்பு சங்கம் சாா்பில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, அச் சங்கத்தின் மாவட்டத் தலைவா் உமாசந்திரன் தலைமை வகித்தாா். தஞ்சாவூா் மாவட்டத்தில் நில அளவையா் பவ்யா மீது தாக்குதல் நடத்திய முருகானந்தனை குண்டா் தடுப்புக் காவல் சட்டத்தில் கைது செய்ய வலியுறுத்தியும், தாக்குதல் சம்பவத்துக்கு கண்டனம் தெரிவித்தும் ஆா்ப்பாட்டத்தில் ஈடுபட்டோா் முழக்கமிட்டனா். இதில், 25-க்கும் மேற்பட்ட நில அளவையா்கள் கலந்துகொண்டனா்.