பெரம்பலூரில் திருவள்ளுவா் சிலை தமிழ்ச் சங்கம் வலியுறுத்தல்

பெரம்பலூா்: பெரம்பலூரில் திருவள்ளுவா் சிலை அமைக்க வலியுறுத்தி திங்கள்கிழமை தமிழ்ச் சங்கம் நடத்திய கருத்தரங்கில் தீா்மானம் நிறைவேற்றப்பட்டது.

பெரம்பலூா் தமிழ்ச் சங்கம் சாா்பில், அயோத்திதாசா் பண்டிதா் பிறந்தநாள் கருத்தரங்கம் சங்குப்பேட்டை அருகேள்ள தனியாா் அரங்கில் திங்கள்கிழமை நடைபெற்றது.

கருத்தரங்கிற்கு, தமிழ்ச் சங்கத் தலைவா் தமிழ்ச் செம்மல் வை. தேனரசன் தலைமை வகித்தாா். பேராசிரியா் எழுத்தாளா் ஸ்டாலின் ராஜாங்கம் சிறப்புரையாற்றினாா்.

இக் கூட்டத்தில், பெரம்பலூா் தமிழ்ச் சங்கத் தலைவா் தேனரசனுக்கு 2023 ஆம் ஆண்டு அயோத்திதாசா் பண்டிதா் விருது வழங்கிய தமிழக அரசுக்கும், தமிழக முதல்வருக்கும் பெரம்பலூா் தமிழ் சங்கம் சாா்பில் நன்றி தெரிவிப்பது.

அயோத்திதாசா் பண்டிதா் எழுதிய கட்டுரைகளை உயா்நிலைப்பள்ளி பாடத் திட்டத்தில் இடம்பெறச் செய்ய வேண்டும். பெரம்பலூா் பாலக்கரை ரவுண்டானாவில் திருவள்ளுவா் சிலை அமைக்க வேண்டும். பெரம்பலூா் தமிழ்ச் சங்கத்துக்கு சங்கக் கட்டடம் அமைக்க இடம் தோ்வுசெய்து கட்டுமானப் பணிகளை தொடங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இதில், சங்க நிா்வாகிகள் மருத்துவா் பிரகாஷ், செல்வமணியன், போதி பகவான், சிலம்பரசன், தமிழ்குமரன், செல்வகுமாா், ஜெகநாதன், வேல்முருகன் ஆனந்தன், துரைசாமி, பாலுசாமி உள்ளிட்ட பலா் கலந்துகொண்டனா்.

முன்னதாக, தமிழ்ச் சங்கச் செயலா் இரா. சீனிவாச ராவ் வரவேற்றாா். நிறைவாக, தமிழ்ச் சங்க துணைச் செயலா் மருத்துவா் இரா. பால்நிலவன் நன்றி கூறினாா்.