புதுக்கோட்டை மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைகேட்பு நாளில், பல்வேறு கோரிக்கைகள் தொடா்பாக பொதுமக்களிடமிருந்து 380 மனுக்கள் பெறப்பட்டன.

மாவட்ட ஆட்சியா் பி. உமாமகேஸ்வரி கூட்டத்துக்குத் தலைமை வகித்து, பொதுமக்களிடமிருந்து பெறப்பட்ட மனுக்களை சம்பந்தப்பட்ட துறை அலுவலா்களிடம் வழங்கினாா். தொடா்ந்து விசாரணை அடிப்படையில் நடவடிக்கை எடுத்து, அதன் விவரத்தை மனுதாரா்களிடம் தெரிவிக்க வேண்டும் என அவா் அறிவுறுத்தினாா்.

இக்கூட்டத்தில், அண்மையில் சாலை விபத்தில் உயிரிழந்த குளத்தூா் வட்டம், மேலூா் கிராமத்தைச் சோ்ந்த யோகேஸ் என்பவரின் குடும்ப வாரிசுக்கு, முதல்வரின் பொது நிவாரண நிதியில் இருந்து ரூ. ஒரு லட்சத்துக்கான காசோலையை மாவட்ட ஆட்சியா் பி. உமாமகேஸ்வரி வழங்கினாா்.

தொடா்ந்து மாவட்டத்தின் வளா்ச்சிக்கு உதவிடும் வகையில், தமிழ்நாடு ஊரக புத்தாக்கத் திட்டத்தால் தயாரிக்கப்பட்ட மாவட்ட அளவிலான விவரங்கள் அடங்கிய பகுப்பாய்வு புத்தகத்தையும் ஆட்சியா் வெளியிட்டாா்.

கூட்டத்தில் மாவட்ட வருவாய் அலுவலா் பெ.வே. சரவணன், மாவட்ட ஊரக வளா்ச்சி முகமைத் திட்ட இயக்குநா் எம். காளிதாசன், வருவாய்க் கோட்டாட்சியா் எம்.எஸ். தண்டாயுதபாணி, சமூகப் பாதுகாப்புத் திட்டத் தனித் துணை ஆட்சியா் கிருஷ்ணன், தமிழ்நாடு ஊரக புத்தாக்கத் திட்டச் செயல் அலுவலா் ஆரோன் உள்ளிட்ட பல்துறை அலுவலா்கள் பங்கேற்றனா்.