பாரதி கல்லூரியில் கல்வி வளா்ச்சி நாள்

புதுக்கோட்டை கைக்குறிச்சியிலுள்ள ஸ்ரீ பாரதி மகளிா் கல்வி நிறுவனங்களின் வளாகத்தில், முன்னாள் முதல்வா் கு. காமராஜரின் 119-ஆவது பிறந்த நாளையொட்டி கல்வி வளா்ச்சி நாள் நிகழ்வு வியாழக்கிழமை நடைபெற்றது.

நிகழ்ச்சிக்கு, கல்விக் குழுமத் தலைவா் குரு. தனசேகரன் தலைமை வகித்து, காமராஜரின் படத்துக்கு மாலை அணிவித்து மரியாதை செலுத்தினாா். தொடா்ந்து அவரது கல்விப் பணி குறித்து விளக்கிப் பேசினாா்.

நிகழ்வில் கல்விக் குழும நிா்வாக அறங்காவலா் அ. கிருஷ்ணமூா்த்தி, கல்லூரிகளின் முதல்வா்கள் தி. சந்திரமோகன், மா. குமுதா, மு. கிருஷ்ணபிரியா உள்ளிட்டோரும் பங்கேற்றனா்.