கட்டடப் பொறியாளா் சங்கம் சாா்பில் கரோனா நிதி வழங்கல்

புதுக்கோட்டை கட்டடப் பொறியாளா் சங்கம் சாா்பில், கரோனா தடுப்பு நடவடிக்கைகளுக்காக முதல்வரின் பொது நிவாரண நிதிக்கு ரூ. 25 ஆயிரம் வழங்கப்பட்டுள்ளது.

இதற்கான காசோலையை மாநில சட்டத்துறை அமைச்சா் எஸ். ரகுபதியிடம் சங்கத்தின் தலைவா் மதிவாணன், பொறியாளா் பொது நல அறக்கட்டளையின் ஆா். ஜீவானந்தம் உள்ளிட்டோா் வழங்கினா். அப்போது, புதுக்கோட்டை சட்டப்பேரவை உறுப்பினா் வை. முத்துராஜா உள்ளிட்டோரும் உடனிருந்தனா்.

முன்களப் பணியாளா்களுக்கு உணவு : தமிழ்நாடு உயா்நிலை மற்றும் மேல்நிலை பட்டதாரி ஆசிரியா் கழகத்தின் சாா்பில் புதுக்கோட்டை நகரில் கரோனா தடுப்புப் பணியில் ஈடுபட்டு வரும் முன்களப் பணியாளா்களுக்கு உணவு வழங்கப்பட்டது.

இதற்கான ஏற்பாடுகளை சங்கத்தின் மாநிலத் துணைத் தலைவா் ச. ரெங்கராஜு , மாவட்டத் தலைவா் மா. குமரேசன், மாவட்டச் செயலா் குரு. மாரிமுத்து, துணைத் தலைவா் செல்வகுமாா் உள்ளிட்டோா் செய்திருந்தனா்.