திருமயம் திமுக வேட்பாளா் காா் கண்ணாடி உடைப்பு

பிரசாரத்தில் ஈடுபட்டிருந்த திருமயம் திமுக வேட்பாளா் எஸ்.ரகுபதியின் காா் கண்ணாடி உடைக்கப்பட்டது தொண்டா்களிடையே அதிா்ச்சியை ஏற்படுத்தியது.

திருமயம் தொகுதி திமுக வேட்பாளா் எஸ். ரகுபதி சனிக்கிழமை தீவிர பிரசாரத்தில் ஈடுபட்டிருந்தாா். அப்போது திருமயம் அருகே உள்ள அரசம்பட்டி ஊராட்சி முள்ளிப்பட்டி பிரசாரத்துக்குச் சென்றபோது அவரது காரை மா்மநபா்கள் சிலா் மறித்து, அவரது காரின் மீது கற்களை வீசியுள்ளனா். இதனால் ரகுபதியின் காா் கண்ணாடி சேதமடைந்தது. கட்சிப்பதவி கிடைக்காத ஆத்திரத்தில் சிலா் இவ்வாறு செய்துள்ளதாக கூறப்படுகிறது. இதுகுறித்து தோ்தல் நடத்தும் அலுவலா் சி.கிருஷ்ணன் மற்றும் திருமயம் காவல்நிலையத்தில் திமுக வேட்பாளா் எஸ்.ரகுபதி புகாா் அளித்துள்ளாா்.