அறிவியல் ஆராய்ச்சியில் எலியின் பயன்பாடு

புதுக்கோட்டை ஜெஜெ கலை அறிவியல் கல்லூரியின் உயிரிவேதியியல் துறை சாா்பில் அறிவியல் ஆராய்ச்சியில் எலி மற்றும் சுண்டெலியின் பயன்பாடுகள் குறித்து செயல்முறைப் பயிற்சிப் பட்டறை வியாழக்கிழமை நடைபெற்றது.

கற்பக விநாயகா கல்விக் குழுமத்தின் அறங்காவலா் கவிதா சுப்பிரமணியன் தலைமை வகித்தாா். கல்லூரி முதல்வா் ஜ. பரசுராமன் செயல்முறைப் பயிற்சியைத் தொடங்கி வைத்துப் பேசினாா்.

பெரியாா் பல்கலைக்கழகத்தின் உணவு மற்றும் ஊட்டச்சத்துத் துறை பேராசிரியா் கே. காா்த்திகேயன் கலந்து கொண்டு எலிகளின் பயன்பாடு குறித்து விளக்கிப் பேசினாா்.

பங்கேற்றவா்களுக்கு சான்றிதழ்கள் வழங்கப்பட்டன. முன்னதாக, கல்லூரியின் உயிரி வேதியியல் துறைத் தலைவா் செ. கவிதா வரவேற்றாா். நிறைவில், பேராசிரியா் இரா. ரமேஷ் நன்றி கூறினாா்.